కొత్త సినిమా ప్రారంభానికి ముహూర్తం ఫిక్స్

స్పై థ్రిల్లర్ గూఢచారి సినిమాను నిర్మించిన నిర్మాత మరియు డిస్ట్రిబ్యూటర్ అభిషేక్ నామా ఆ సినిమాతో మంచి విజయాన్ని అందుకున్నారు. ఇప్పుడు మరో యంగ్ హీరోతో కొత్త సినిమాను ప్లాన్ చేశారు అభిషేక్ నామా. ఆ యంగ్ హీరో ఎవరో కాదు హవీష్. వీరిద్దరి కాంబినేషన్ లో కొత్త సినిమా తెరకెక్కించనున్నారు. ఇంకా టైటిల్ ను ఫిక్స్ చేయని ఈ సినిమాను రేపు (మే 29) లాంచనంగా ప్రారంభించనున్నారు. రేపు ఉదయం 9.17 నిమిషాలకు ఈ సినిమా ప్రారంభానికి ముహూర్తం ఫిక్స్ చేశారు.

కాగా రొమాంటిక్ డ్రామాగా తెరకెక్కనున్న ఈసినిమాను రాఘవ్ ఓంకార్ శ్రీధర్ దర్శకత్వం వహించనున్నారు. ఈ సినిమాతో ఈయన డైరెక్టర్ గా పరిచయం కానున్నాడు. చేతన్ భరద్వాజ్ సంగీతం అందించనుండగా…సాయి శ్రీరామ్ సినిమాటోగ్రఫి అందించనున్నాడు. మిగిలిన నటీనటుల గురించిన వివరాలను త్వరలోనే తెలియజేయనున్నారు చిత్రయూనిట్. ప్రస్తుతం హవీష్ సెవన్ అనే సస్పెన్స్ థ్రిల్లర్ సినిమాలో నటించాడు. త్వరలోనే ఈసినిమా ప్రేక్షకుల ముందుకు రానుంది.

[subscribe]
[youtube_video videoid=VzajUuo4WwQ]