ఆనంద్ దేవ‌ర‌కొండ ‘దొరసాని’ రిలీజ్ అప్‌డేట్‌

యూత్ ఐకాన్ విజయ్ దేవరకొండ త‌మ్ముడు ఆనంద్ దేవరకొండ క‌థానాయ‌కుడిగా పరిచయమవుతున్న చిత్రం ‘దొరసాని’. ఈ సినిమాతోనే సీనియర్ నటుడు రాజశేఖర్ రెండో తనయ శివాత్మిక కూడా హీరోయిన్‌గా పరిచయం కానుంది. పీరియాడిక్ లవ్ స్టోరీగా తెరకెక్కిన ఈ చిత్రానికి కె.వి.ఆర్.మహేంద్ర దర్శకత్వం వహించాడు.

ఇటీవల చిత్రీకరణను పూర్తి చేసుకున్న ‘దొరసాని’… ప్రస్తుతం పోస్ట్ ప్రొడక్షన్ వ‌ర్క్ జ‌రుపుకుంటోంది. కాగా… ఈ చిత్రాన్ని జూలై 5న విడుదల చేయనున్నట్టు టాలీవుడ్ సర్కిల్స్‌లో వార్త‌లు వినిపిస్తున్నాయి. మధుర శ్రీధర్, యష్ రంగినేని నిర్మాతలుగా వ్యవహరించిన ఈ సినిమాకు సంబంధించిన విడుద‌ల తేదిపై త్వ‌ర‌లోనే అధికారిక ప్ర‌క‌ట‌న వెలువ‌డ‌నుంది. మరి అన్న విజయ్ దేవరకొండ లాగే… త‌మ్ముడు ఆనంద్ దేవరకొండ కూడా హీరోగా తనదైన ముద్ర వేస్తాడేమో చూడాలి.