తరుణ్ భాస్కర్ కు జంటగా అవంతిక మిశ్రా

సెన్సేషనల్ హీరో విజయ్ దేవరకొండ కింగ్ ఆఫ్ ది హిల్ పేరుతో ప్రొడక్షన్ హౌస్ ప్రారంభించిన విషయం తెలిసిందే. ఈ బ్యానర్ పై నిర్మిస్తున్న మొదటి మూవీ లో సూపర్ హిట్ మూవీ పెళ్ళి చూపులు దర్శకుడు తరుణ్ భాస్కర్ ను హీరో గా పరిచయం చేస్తున్నారు. షమీర్ దర్శకుడిగా పరిచయమవుతున్న ఈ మూవీ లో అనసూయ భరద్వాజ్ ఒక కీలక పాత్రలో నటిస్తున్నారు.

త్వరలో షూటింగ్ ప్రారంభం కానున్న ఈ మూవీలో బాలీవుడ్ నటి అవంతిక మిశ్రా ను హీరోయిన్ గా ఎంపిక చేశారు. మాయ, మీకు మీరే మాకు మేమే, వైశాఖం వంటి మూవీస్ ద్వారా అవంతిక మిశ్రా తెలుగు ప్రేక్షకులకు పరిచయమే. పలు చిత్రాలలో హీరోగా నటిస్తున్న విజయ్ దేవరకొండ తన సొంత బ్యానర్ లో తాను నటించకుండా ఒక దర్శకుడి ని హీరో గా పరిచయం చేయడం విశేషం.