మ‌రోసారి సూప‌ర్ స్టార్‌తో శంక‌ర్‌?

సూప‌ర్ స్టార్ ర‌జినీకాంత్‌కి అచ్చొచ్చిన ద‌ర్శ‌కులలో ఏస్ ఫిల్మ్ మేక‌ర్ శంక‌ర్ ఒక‌రు. వీరిద్ద‌రి కాంబినేష‌న్‌లో వ‌చ్చిన `శివాజీ` (2007), `రోబో` (2010), `2.0` (2018) చిత్రాలు బాక్సాఫీస్ వ‌ద్ద వ‌సూళ్ళ వ‌ర్షం కురిపించాయి. అలాంటి… ఈ ఇద్ద‌రి కాంబోలో మ‌రో సినిమా రాబోతోంద‌ని కోలీవుడ్ టాక్‌. ఇప్ప‌టికే ఈ ప్రాజెక్ట్‌కు సంబంధించి ర‌జినీ, శంక‌ర్ మ‌ధ్య సంప్ర‌దింపులు జ‌రిగాయ‌ని… త్వ‌ర‌లోనే ఈ కాంబో మూవీపై క్లారిట్ వ‌స్తుంద‌ని స‌మాచారం.

ఇదిలా ఉంటే… ప్ర‌స్తుతం లోక నాయ‌కుడు క‌మ‌ల్ హాస‌న్ కాంబినేష‌న్‌లో `భార‌తీయుడు 2` చిత్రాన్ని రూపొందించే ప‌నిలో బిజీగా ఉన్నారు శంక‌ర్‌. ఇక ర‌జినీకాంత్ విష‌యానికి వ‌స్తే… బ్రిలియంట్ డైరెక్ట‌ర్ ఎ.ఆర్‌.మురుగ‌దాస్ కాంబినేష‌న్‌లో ఓ పొలిటిక‌ల్ థ్రిల్ల‌ర్ చేయ‌బోతున్నారు. కాబ‌ట్టి… ఆ యా చిత్రాలు పూర్త‌య్యాకే ర‌జినీ, శంక‌ర్ కాంబినేష‌న్ మూవీ ప‌ట్టాలెక్కే అవ‌కాశ‌ముంది. మ‌రి… సినిమా సినిమాకి మ‌ధ్య బాగానే గ్యాప్ తీసుకున్న ర‌జినీ, శంక‌ర్‌… నాలుగో సారి త‌క్కువ గ్యాప్‌లోనే రానున్న వైనం మ‌రింత‌గా క‌లిసొస్తుందేమో చూడాలి.