దిల్ రాజు చేతిలోకి ఆంధ్రా, నైజాం హక్కులు

ప్రముఖ సినిమాటోగ్రాఫర్ కేవీ గుహన్ దర్శకత్వంలో కళ్యాణ్ రామ్ హీరోగా తెరకెక్కుతున్న సినిమా 118. యాక్షన్ థ్రిల్లర్ గా తెరకెక్కుతున్న ఈసినిమాను మార్చి 1వ తేదీన రిలీజ్ చేయనున్నారు. ఈ సినిమా టీజర్, ట్రైలర్ లకు మంచి రెస్పాన్స్ రాగా సినిమాపై భారీ అంచనాలే ఏర్పడ్డాయి.

ఇదిలా ఉండగా ఇప్పుడు ఈ సినిమా నిర్మాత, డిస్ట్రిబ్యూటర్ దిల్ రాజు తన చేతుల్లోకి తీసుకున్నట్టు తెలుస్తోంది. 118 సినిమా చూసిన దిల్ రాజు ఇంప్రెస్ అయిన దిల్ రాజు నైజాం ఏరియాతో పాటు ఆంధ్ర ఏరియా హక్కులు కూడా తీసేసుకున్నారట. టోటల్, ఆంధ్ర, నైజాం, సీడెడ్ కలిసి సినిమాను ఏడు కోట్లకు పైగా మార్కెట్ చేసినట్లు తెలుస్తోంది. మరి దిల్ రాజు సినిమాలో మ్యాటరుంటే కానీ ఓకే చేయరు. అలాంటిది దిల్ రాజు ఈ సినిమా చూసి ఇంప్రెస్ అయ్యారంటే ఖచ్చితంగా 118 లో మ్యాటరుండే ఉండి ఉంటుంది. మరి చూద్దాం ఏం జరుగుతుందో.

కాగా థ్రిల్లర్ మూవీగా తెరకెక్కుతున్న ఈసినిమాలో కళ్యాణ్ రామ్ సరసన నివేదా థామస్,షాలిని పాండే హీరోయిన్లుగా నటిస్తున్నారు. ఈస్ట్ కోస్ట్ ప్రొడక్షన్స్ పతాకం ఫై మహేష్ ఎస్ కోనేరు నిర్మిస్తున్న ఈ చిత్రానికి శేఖర్ చంద్ర సంగీతం అందిస్తున్నారు.