మ‌రో ఆస‌క్తిక‌ర‌మైన చిత్రంలో క‌ళ్యాణి?

`హ‌లో` చిత్రంతో తెలుగు తెర‌కు క‌థానాయిక‌గా ప‌రిచ‌య‌మైన ముద్దుగుమ్మ క‌ళ్యాణి ప్రియ‌ద‌ర్శ‌న్‌. ప్ర‌ముఖ ద‌ర్శ‌కుడు ప్రియ‌ద‌ర్శ‌న్‌, ప్ర‌ముఖ‌ న‌టి లిజి గారాల ప‌ట్టి అయిన క‌ళ్యాణి… తొలి చిత్రంతోనే న‌టిగా మంచి మార్కులు తెచ్చుకుంది. ప్ర‌స్తుతం ఈ ముద్దుగుమ్మ తెలుగులో రెండు చిత్రాల‌తో బిజీగా ఉంది. అందులో ఒక‌టి సుధీర్ వ‌ర్మ ద‌ర్శ‌క‌త్వంలో శ‌ర్వానంద్ హీరోగా న‌టిస్తున్న సినిమా కాగా… మ‌రొక‌టి సాయిధ‌ర‌మ్ తేజ్ హీరోగా న‌టిస్తున్న `చిత్ర‌ల‌హ‌రి`. వీటితో పాటు మ‌ల‌యాళంలో త‌న తండ్రి ప్రియ‌ద‌ర్శ‌న్ రూపొందిస్తున్న భారీ బడ్జెట్ ఫిల్మ్ `మ‌ర‌క్క‌ర్‌`లోనూ… దుల్క‌ర్ స‌ల్మాన్ న‌టిస్తున్న `వాన్‌` అనే త‌మిళ చిత్రంలో న‌టిస్తోంది క‌ళ్యాణి.

ఇదిలా ఉంటే… మ‌రో ఇంట్రెస్టింగ్ ప్రాజెక్ట్‌కి కూడా క‌ళ్యాణి గ్రీన్ సిగ్న‌ల్ ఇచ్చింద‌ని స‌మాచారం. `రెమో`, `సీమ‌రాజా` వంటి అనువాద చిత్రాల‌తో తెలుగు వారికి చేరువైన శివ‌కార్తికేయ‌న్ హీరోగా `అభిమ‌న్యుడు` ఫేమ్ పి.ఎస్‌.మిత్ర‌న్ ద‌ర్శ‌క‌త్వంలో ఓ త‌మిళ సినిమా రూపొంద‌నుంది. ఇందులోనూ హీరోయిన్‌గా న‌టించే ఛాన్స్ క‌ళ్యాణికి ద‌క్కింద‌ని టాక్‌. మొత్త‌మ్మీద‌… 2019లో క‌ళ్యాణి హ‌వా బాగానే ఉంద‌నే చెప్పాలి.