`ర‌న్ రాజా ర‌న్‌`, `సాహో` త‌రువాత కూడా…

శ‌ర్వానంద్ క‌థానాయ‌కుడిగా న‌టించిన `ర‌న్ రాజా ర‌న్‌` (2014) చిత్రంతో ద‌ర్శ‌కుడిగా తొలి అడుగులు వేశాడు సుజీత్‌. స్టైలిష్ యాక్ష‌న్ ఎంట‌ర్‌టైన‌ర్‌గా తెర‌కెక్కిన ఈ సినిమా… బాక్సాఫీస్ వ‌ద్ద హిట్ ఫిల్మ్‌గా నిల‌చింది. ఆ త‌రువాత యంగ్ రెబ‌ల్ స్టార్ ప్ర‌భాస్‌తో త‌న సెకండ్ ఫిల్మ్ చేయ‌డానికి ఫిక్స్ అయిపోయిన ఈ యంగ్ డైరెక్ట‌ర్‌… భారీ విరామ‌మే తీసుకుని మ‌రీ ప్ర‌స్తుతం `సాహో` చేస్తున్నాడు. ప్ర‌భాస్ హీరోగా తెలుగు, త‌మిళ‌, హిందీ భాష‌ల్లో తెర‌కెక్కుతున్న‌ ఈ త్రిభాషా చిత్రం… ఆగ‌స్టు 15న విడుద‌ల కానుంది. ఈ నేప‌థ్యంలో.. సుజీత్ నెక్ట్స్ ప్రాజెక్ట్‌పై ర‌క‌ర‌కాల క‌థ‌నాలు వినిపిస్తున్నాయి. విశ్వ‌స‌నీయ స‌మాచారం ప్ర‌కారం.. సుజీత్ త‌దుప‌రి చిత్రం కూడా `ర‌న్ రాజా ర‌న్‌`, `సాహో` చిత్రాల నిర్మాణ సంస్థ యూవీ క్రియేష‌న్స్‌లోనే ఉంటుంద‌ని తెలుస్తోంది. అంతేకాదు… ఈ సినిమాలో ఓ అగ్ర‌ క‌థానాయ‌కుడు న‌టించే అవ‌కాశం ఉంద‌ని టాక్‌. కొన్నాళ్ళ క్రితం… అల్లు అర్జున్ హీరోగా సుజీత్ నెక్ట్స్ ఫిల్మ్ ఉంటుంద‌నే క‌థ‌నాలు వ‌చ్చిన సంగ‌తి తెలిసిందే. ఏదేమైనా… త్వ‌ర‌లోనే సుజీత్ మూడో చిత్రంపై ఫుల్ క్లారిటీ వ‌స్తుంది.