‘బాహుబలి’ సిరీస్ తరువాత యంగ్ రెబల్ స్టార్ ప్రభాస్ నటిస్తున్న చిత్రం ‘సాహో’. సుజీత్ దర్శకత్వంలో రూపొందుతున్న ఈ సినిమా… తెలుగుతో పాటు తమిళ, హిందీ భాషల్లోనూ తెరకెక్కుతోంది. ప్రభాస్ కి జోడీగా బాలీవుడ్ బ్యూటీ శ్రద్ధా కపూర్ నాయికగా నటిస్తోంది. భారీ బడ్జెట్తో రూపొందుతున్న ఈ యాక్షన్ ఎంటర్టైనర్లో… యాక్షన్ సీక్వెన్స్ కి పెద్ద పీట వేస్తున్నారు. ఇదిలా ఉంటే… ఈ సినిమాలోని ఓ పాట కోసం ప్రభాస్తో కలసి ఇంటర్నేషనల్ డ్యాన్సర్లు లారెంట్ నికోలస్, లారీ నికోలస్లు స్టెప్పు లేయనున్నారట. ఆసక్తికరమైన విషయమేమిటంటే… ఈ ఇద్దరూ కూడా కవలలు కావడం విశేషం. అంతర్జాతీయ పాప్ గాయని బియాన్స్ పాటల్లో ఆమెతో కలసి స్టెప్పులేసిన ఈ ట్విన్స్… ఇప్పుడు ప్రభాస్తో కాలు కదపడం ప్రత్యేకమైన విషయంగానే చెప్పాలి. అంతేకాదు… జాతర నేపథ్యంలో సాగే ఓ పాట కూడా `సాహో`లో ఉందట. అధిక సంఖ్యలో బ్రెజీలియన్ డ్యాన్సర్లు పాల్గొనే ఈ గీతం కోసం ఓ భారీ సెట్ను కూడా తీర్చిదిద్దుతున్నట్టు తెలుస్తోంది. వైభవీ మర్చంట్ కొరియోగ్రఫీ అందించే ఈ పాటను త్వరలోనే తెరకెక్కించనున్నట్టు తెలిసింది. కాగా… ఆగస్టు 15న `సాహో` తెరపైకి రానుంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
[youtube_video videoid=9o8Ri5PH1VE]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: