నెటిజన్ కు ఘాటు రిప్లై ఇచ్చిన రకుల్

సోషల్ మీడియా హవా పెరిగిన తరువాత ట్రోలింగ్ కూడా మామూలైపోయింది. రోజుకో సెలబ్రిటీ కామెంట్లకు బలైపోతూనే ఉన్నారు. ఇప్పుడు తాజాగా రకుల్ ప్రీత్ సింగ్ వంతు వచ్చింది. రకుల్ కారు నుండి దిగుతున్న ఫోటోని ఓ నెటిజన్ పోస్ట్ చేస్తూ..కారులో సెషన్ పూర్తయిన తరువాత రకుల్ ప్యాంట్ వేసుకోవడం మర్చిపోయిందంటూ వల్గర్ కామెంట్ పెట్టాడు. ఇక ఇది తెలిసిన రకుల్ ఆ కామెంట్ పై స్పందిస్తూ..స్ట్రాంగ్ కౌంటర్ ఇచ్చింది.

“మీ తల్లి కూడా కారులో ఇలాంటి సెషన్లు చాలానే చేసిందేమో… అందుకే నీకు తెలిసింది. ఈ సెషన్ల వివరాల గురించి ఆమెనే అడుగు. అప్పటివరకూ మహిళలకు రక్షణ ఉండదేమో. కేవలం సమానత్వం, రక్షణ అని చర్చలు సాగిస్తే ఉపయోగం ఉండదు” అంటూ ఘాటుగా రిప్లై ఇచ్చింది.

ఇక ఈ రిప్లై మీద కూడా నెటిజన్లు స్పందిస్తూ రకుల్ పై మండిపడుతున్నారు. కొందరు రకుల్ రిప్లైను సమర్థిస్తుండగా…కొందరు మాత్రం ఫైర్ అవుతున్నారు. నీపై వచ్చిన కామెంట్స్‌ కు కౌంటర్‌ ఇచ్చేందుకు నువ్వు కూడా ఓ మహిళనే అవమానిస్తావా?” అని అంటుండగా.. దానికి కూడా రకుల్ సమాధానం ఇచ్చింది. “నా నీతి, నిజాయితీలను ప్రశ్నిస్తున్నవారు మహిళలను లక్ష్యం చేసుకున్నప్పుడు ఎందుకు మాట్లాడటం లేదు? ఇలాంటి వారికి బుద్ధి చెప్పేందుకు నాకు వచ్చిన పదాలను నేను వాడాను… వారికి కూడా ఓ కుటుంబం ఉందని గుర్తు చేయాలన్నదే నా అభిప్రాయం. నాపై వచ్చిన కామెంట్లే వారిపైనా వస్తే..? అతని తల్లి కచ్చితంగా ఒకటిస్తుందనే అనుకుంటున్నా” అని చెప్పుకొచ్చింది. మరి ఈ ట్విట్టర్ వార్ ఇక్కడితో ఆగుతుందా? లేక ఇంకా కంటిన్యూ అవుతుందా? చూద్దాం ఏం జరుగుతుందో.

 

Well for people questioning my ethics why don’t you speak up when women are objectified and I’ve chosen my words only to make such #sickminds realise that they have a family too and how would they feel if the same is done to them ! I am sure his mother would give him a slap too🙏

— Rakul Preet (@Rakulpreet) January 17, 2019

[subscribe]
[youtube_video videoid=ISSJx9e4em0]