కొన్ని తేదీలు భలేగా మ్యాజిక్ చేస్తాయి. తెలుగు సినిమాకు సంబంధించి కూడా అలాంటి తేదీలు కొన్ని ఉన్నాయి. వాటిలో జనవరి 11 ఒకటి. సంక్రాంతి సీజన్ సందర్భంగా ఈ తేదికి విడుదలైన కొన్ని సినిమాలు బాక్సాఫీస్ వద్ద కలెక్షన్ల వర్షం కురిపించాయి. అలాగే ఇండస్ట్రీ హిట్ కూడా వచ్చిన వైనం ఉంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
ఆ వివరాల్లోకి వెళితే… 1985లో సూపర్ స్టార్ కృష్ణ ద్విపాత్రాభినయంలో దర్శకేంద్రుడు కె.రాఘవేంద్రరావు రూపొందించిన `అగ్ని పర్వతం` ఇదే తేదికి రిలీజై అప్పట్లో సంచలన విజయం సాధించింది. అలాగే ఇదే తేదికి వచ్చిన నట సామ్రాట్ అక్కినేని నాగేశ్వరరావు చిత్రం `సీతారామయ్య గారి మనవరాలు` (1991) తెలుగు సినిమా చరిత్రలోనే `వన్ ఆఫ్ ది బెస్ట్ ఫ్యామిలీ ఎంటర్టైనర్`గా నిలచింది. ఇక ఇదే తేదికి 2001లో రిలీజైన నటసింహ నందమూరి బాలకృష్ణ పవర్ఫుల్ యాక్షన్ ఎంటర్టైనర్ `నరసింహనాయుడు` ఏకంగా ఇండస్ట్రీ హిట్ అయ్యింది.
అలాగే… ఎలాంటి అంచనాలు లేకుండా విడుదలై… సెన్సేషనల్ మ్యూజికల్ హిట్గా నిలచిన `దేవదాసు` (రామ్, ఇలియానా తొలి చిత్రం) (2006) కూడా ఇదే జనవరి 11కి అప్పట్లో బాక్సాఫీస్ వద్ద పెద్ద దుమారం రేపింది. అలాగే… ఈ జనరేషన్ లో మల్టీస్టారర్ మూవీస్ కి నాంది పలికిన విక్టరీ వెంకటేష్, సూపర్ స్టార్ మహేష్ బాబు ఫ్యామిలీ ఎంటర్టైనర్ `సీతమ్మ వాకిట్లో సిరిమల్లె చెట్టు` (2013) కూడా ఇదే మ్యాజికల్ డేట్కి వసూళ్ళ వర్షం కురిపించింది.
ఇక రెండేళ్ళ క్రితం అంటే 2017లో మెగాస్టార్ చిరంజీవి కూడా `ఖైదీ నంబర్ 150`తో ఇదే తేదిన తెరపై మెగా రీ-ఎంట్రీ ఇచ్చి మరోసారి `బాక్సాఫీస్ కా బాప్` అనిపించుకున్నారు. మరి… ఇన్ని విజయాలకు కేరాఫ్ అడ్రస్గా నిలచిన జనవరి 11నే (ఈ రోజే) వస్తున్న మెగాపవర్ స్టార్ రామ్ చరణ్ తాజా చిత్రం `వినయ విధేయ రామ` రిసల్ట్ ఎలాఉంటుందో చూడాలి.
[youtube_video videoid=DZ9GdjMHXFM]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: