మెగా పవర్ స్టార్ రామ్ చరణ్, బుచ్చిబాబు సానా కాంబినేషన్లో వస్తున్న మోస్ట్ అవేటెడ్ పాన్-ఇండియా స్పోర్ట్స్ డ్రామా ‘పెద్ది’ బాక్సాఫీస్ వద్ద సరికొత్త చరిత్ర సృష్టించేందుకు సిద్ధమైంది. జూన్ 4న ఈ చిత్రం ప్రపంచవ్యాప్తంగా గ్రాండ్గా విడుదల కాబోతుండగా.. ఇప్పటికే ఆంధ్రప్రదేశ్ ప్రభుత్వం టికెట్ రేట్ల పెంపుకు గ్రీన్ సిగ్నల్ ఇచ్చేసింది. కాగా, తాజాగా తెలంగాణ ప్రభుత్వం కూడా స్పెషల్ అనుమతులు మంజూరు చేస్తూ అధికారిక ఉత్తర్వులు జారీ చేసింది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
మెగా ఫ్యాన్స్ ఎప్పుడెప్పుడా అని ఎదురుచూస్తున్న ‘పెద్ది’ సినిమాను ఒక రోజు ముందే చూసే అవకాశాన్ని ప్రభుత్వం కల్పించింది. జూన్ 3 (బుధవారం) రాత్రి 8 గంటలకే తెలంగాణ రాష్ట్ర వ్యాప్తంగా స్పెషల్ ప్రీమియర్ షోలు వేసుకోవడానికి ప్రభుత్వం ఓకే చెప్పింది.ఈ స్పెషల్ ప్రీమియర్ షోల టికెట్ ధరను GSTతో కలుపుకుని 600 రూపాయలుగా ఫిక్స్ చేశారు. ప్రీమియర్లతో పాటు తెల్లవారుజామున పడే ప్రత్యేక బెనిఫిట్ షోలకు కూడా పర్మిషన్ వచ్చినట్లు ట్రేడ్ వర్గాల సమాచారం.
సాధారణంగా పెద్ద సినిమాలకు వారం రోజుల పాటు హైక్స్ ఇస్తుంటారు. కానీ ‘పెద్ది’ క్రేజ్ దృష్ట్యా తెలంగాణ ప్రభుత్వం ఏకంగా 10 రోజుల పాటు (జూన్ 4 నుండి జూన్ 13 వరకు) టికెట్ రేట్లు పెంచుకోవడానికి అనుమతి ఇచ్చింది.
సింగిల్ స్క్రీన్స్ : సాధారణ టికెట్ ధరపై అదనంగా 100 రూపాయలు పెంచుకోవచ్చు.
మల్టీప్లెక్స్లు : మల్టీప్లెక్స్ థియేటర్లలో సాధారణ ధరపై అదనంగా 125 రూపాయలు పెంచుకునేందుకు గ్రీన్ సిగ్నల్ లభించింది.
రోజుకు 5 షోలు: టికెట్ హైక్స్తో పాటు థియేటర్లలో రోజుకు 5 షోలు వేసుకోవడానికి కూడా ప్రభుత్వం అనుమతినిచ్చింది.
జాన్వీ కపూర్ హీరోయిన్గా నటించిన ఈ చిత్రానికి ఆస్కార్ విజేత ఏఆర్ రెహమాన్ అద్భుతమైన సంగీతాన్ని అందించారు. ఇప్పటికే ఆంధ్రప్రదేశ్లో అడ్వాన్స్ బుకింగ్స్ ఓపెన్ అయి టికెట్లు హాట్ కేకుల్లా అమ్ముడవుతుండగా, ఇప్పుడు తెలంగాణలో కూడా ఈ స్థాయి హైక్స్ మరియు ప్రీమియర్ షోల అనుమతులు రావడంతో మొదటి వారం కలెక్షన్లు ఇండస్ట్రీ రికార్డులను తిరగరాయడం ఖాయమని ట్రేడ్ పండితులు అంచనా వేస్తున్నారు.
ఆన్లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్ద్ ఫిలిమ్స్
x
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
