నేషనల్ అవార్డ్ విన్నర్, స్టార్ హీరో ధనుష్ నటిస్తూ, దర్శకత్వం వహిస్తున్న చిత్రం ‘ఇడ్లీ కొట్టు’. తమిళంలో ‘ఇడ్లీ కడై’ పేరుతో వస్తున్న ఈ సినిమాను తెలుగు ప్రేక్షకులకు శ్రీ వేదాక్షర మూవీస్ అందిస్తోంది. ఇప్పటికే ఈ సినిమా ఆడియో మరియు పోస్టర్లు ప్రేక్షకులను ఆకట్టుకున్నాయి. అక్టోబర్ 1న సినిమా విడుదల కానుంది. ఈ నేపథ్యంలో, చిత్ర బృందం ప్రమోషన్లను ముమ్మరం చేసింది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇందులో భాగంగా ఈ మూవీ థియేట్రికల్ ట్రైలర్ను రేపు, సెప్టెంబర్ 20న కోయంబత్తూరులో విడుదల చేయనున్నారు మేకర్స్. ఒక బలమైన ఎమోషనల్ కథాంశంతో, గ్రామీణ నేపథ్యంలో తెరకెక్కిన ఈ సినిమాలో నిత్యా మీనన్ హీరోయిన్గా నటించారు. ఇంకా అరుణ్ విజయ్, సత్యరాజ్, షాలినీ పాండే వంటి ప్రముఖ నటీనటులు ఇతర కీలక పాత్రల్లో కనిపించనున్నారు. హీరో, హీరోయిన్ మధ్య కెమిస్ట్రీ సినిమాకు ఒక ప్రత్యేక ఆకర్షణగా నిలవనుంది.
బాక్సాఫీస్ వద్ద గట్టి పోటీ..
‘ఇడ్లీ కొట్టు’ తెలుగు హక్కులను శ్రీ వేదాక్షర మూవీస్ సంస్థ భారీ ధరకు కొనుగోలు చేసింది. ధనుష్ కెరీర్లో తెలుగులో అత్యధిక థియేటర్లలో ఈ సినిమాను విడుదల చేయాలని ప్లాన్ చేస్తున్నారు. అయితే ఈ సినిమా రిలీజ్ అయిన తర్వాతి రోజే, అనగా.. అక్టోబర్ 2న రిషబ్ శెట్టి హీరోగా స్వీయదర్శకత్వంలో తెరకెక్కిన ‘కాంతారా: చాప్టర్ 1’ పాన్ ఇండియా లెవెల్లో విడుదలవుతుండటం గమనార్హం. దీంతో ఈ రెండు సినిమాల మధ్య గట్టి పోటీ వాతావరణం నెలకొననుంది.
అయితే, పెద్ద సినిమాతో పోటీ ఉన్నప్పటికీ, కథపై ఉన్న నమ్మకంతో ధనుష్ ఈ సినిమాను అక్టోబర్ 1నే విడుదల చేయడానికి సిద్ధమయ్యారు. మరోవైపు ట్రైలర్ విడుదలైన తర్వాత ఈ సినిమాపై హైప్ మరింత పెరుగనుంది. ఈ సినిమా ఒక పక్కా ఫ్యామిలీ ఎంటర్టైనర్గా, ప్రేక్షకులకు ఒక మంచి అనుభూతిని ఇస్తుందని సినీ వర్గాలు చెబుతున్నాయి. సరికొత్త కథాంశంతో, ధనుష్ స్వీయ దర్శకత్వంలో రూపొందిన చిత్రం ఇడ్లీ కొట్టుపై మంచి అంచనాలే ఉన్నాయి.
ఆన్లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్ద్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
