తెలుగు చిత్ర పరిశ్రమ ఎదుర్కొంటున్న సమస్యల పరిష్కారం కోసం ప్రముఖ నిర్మాతలు మరియు దర్శకులు ముఖ్యమంత్రి రేవంత్ రెడ్డిని కలిశారు. ఈ మేరకు వారు తాజాగా హైదరాబాద్ జూబ్లీహిల్స్లోని సీఎం నివాసంలో ముఖ్యమంత్రిని మర్యాదపూర్వకంగా కలుసుకున్నారు. ఈ సమావేశంలో చిత్ర పరిశ్రమకు సంబంధించిన వివిధ అంశాలపై చర్చించారు. ముఖ్యంగా, సినిమా షూటింగ్ల అనుమతులు, థియేటర్ల నిర్వహణ, సింగిల్ విండో సిస్టమ్ ఏర్పాటు, సినీ కార్మికుల సమ్మె వంటి విషయాలపై సీఎంకు వినతిపత్రం అందజేశారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
కాగా ఈ సమావేశంలో తెలంగాణ ఫిల్మ్ డెవలప్మెంట్ కార్పొరేషన్ (TFDC) చైర్మన్ దిల్ రాజు, ప్రముఖ నిర్మాతలు అల్లు అరవింద్, సురేష్ బాబు, డీవీవీ దానయ్య, నాగవంశీ, టీజీ విశ్వప్రసాద్, సాహు గారపాటి, అనిల్ సుంకర, ఎస్కేఎన్, స్రవంతి రవికిషోర్, శరత్ మరార్, మైత్రీ నవీన్, జెమిని కిరణ్, చెరుకూరి సుధాకర్, ఎన్వీ ప్రసాద్, రాధామోహన్, దాము తదితరులు పాల్గొన్నారు. అలాగే దర్శకులు త్రివిక్రమ్ శ్రీనివాస్, సందీప్ రెడ్డి వంగా, అనిల్ రావిపూడి, బోయపాటి శ్రీను, వంశీ పైడిపల్లి, శ్రీకాంత్ ఓదెల, వెంకీ కుడుముల తదితరులు సీఎం రేవంత్ రెడ్డిని కలిసినవారిలో ఉన్నారు.
అభివృద్ధిపై చర్చ..
సమావేశంలో సినీ పరిశ్రమ భవిష్యత్తు, హైదరాబాద్లో స్టూడియోల అభివృద్ధి, సినీ కార్మికుల సంక్షేమం వంటి అంశాలపై కూడా చర్చ జరిగింది. ఈ సమావేశం తెలుగు సినీ పరిశ్రమకు, తెలంగాణ ప్రభుత్వానికి మధ్య మంచి సంబంధాలకు దారి తీస్తుందని అందరూ ఆశిస్తున్నారు. ఇలాంటి సమావేశాలు తరుచుగా నిర్వహించి, సమస్యలను పరిష్కరించుకోవాలని సినీ ప్రముఖులు సీఎంకు విజ్ఞప్తి చేశారు.
సమస్యల పరిష్కారానికి హామీ..
సినీ పరిశ్రమ ప్రతినిధులు లేవనెత్తిన సమస్యలపై సీఎం రేవంత్ రెడ్డి సానుకూలంగా స్పందించినట్లు తెలుస్తోంది. “తెలుగు సినిమాకు ప్రపంచవ్యాప్తంగా మంచి పేరు ఉంది. సినీ పరిశ్రమ ఎదుర్కొంటున్న సమస్యల పరిష్కారానికి మా ప్రభుత్వం సిద్ధంగా ఉంది. పరిశ్రమకు అవసరమైన అన్ని సహాయ సహకారాలను అందిస్తాం,” అని సీఎం హామీ ఇచ్చినట్టు సమాచారం.
అయితే మొత్తంగా, ఈ సమావేశం తెలుగు సినీ పరిశ్రమకు ఒక శుభపరిణామంగా చెప్పవచ్చు. తెలంగాణ ప్రభుత్వం సినీ పరిశ్రమకు ఇస్తున్న ప్రాధాన్యతను ఇది చాటి చెబుతోంది.
ఆన్లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్ద్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
