ఘనంగా  గద్దర్ అవార్డుల ప్రదానోత్సవం 

తెలంగాణ ప్రభుత్వం ప్రతిష్టాత్మకంగా ప్రవేశపెట్టిన ‘గద్దర్ ఫిల్మ్ అవార్డ్స్ ప్రదానోత్సవం మార్చి 19న ఉగాది పర్వదినం సందర్భంగా హైదరాబాద్‌లోని మాదాపూర్ హైటెక్స్ కన్వెన్షన్ సెంటర్ వేదికగా అత్యంత వైభవంగా జరిగింది. ఉమ్మడి రాష్ట్రంలో ఉన్న నంది అవార్డుల స్థానంలో, ప్రజా గాయకుడు గద్దర్ పేరిట ఈ పురస్కారాలను ప్రభుత్వం అందజేస్తున్న విషయం తెలిసిందే.

ముఖ్యమంత్రి రేవంత్ రెడ్డి, డిప్యూటీ సీఎం భట్టి విక్రమార్క, మెగాస్టార్ చిరంజీవి తదితర ప్రముఖులు జ్యోతి ప్రజ్వలన చేసి ఈ వేడుకను ప్రారంభించారు. ఈ వేడుకలో 2025 సంవత్సరానికి గానూ వివిధ విభాగాల్లో ప్రతిభ చాటిన విజేతలకు పురస్కారాలు అందజేశారు.

ముఖ్యమైన అవార్డు గ్రహీతలు:

ఉత్తమ చిత్రం: రాజు వెడ్స్ రాంబాయి (శ్రీ వేణు ఉడుగుల – నిర్మాత, సాయిలు – దర్శకుడు)

ఉత్తమ నటుడు: నాగ చైతన్య (సినిమా: తండేల్)

ఉత్తమ నటి: రష్మిక మందన్న (సినిమా: ది గర్ల్ ఫ్రెండ్)

ఉత్తమ దర్శకుడు: సాయిలు (సినిమా: రాజు వెడ్స్ రాంబాయి)

ఉత్తమ ద్వితీయ చిత్రం: దండోరా (ముప్పనేని రవీంద్ర బెనర్జీ)

ఉత్తమ తృతీయ చిత్రం: ది గ్రేట్ ప్రీ వెడ్డింగ్ షో (సందీప్ అగరం)

ఈ వేడుకలో చిత్ర పరిశ్రమకు విశేష సేవలు అందించిన దిగ్గజాలను ప్రత్యేక అవార్డులతో సత్కరించారు:

ఎన్టీఆర్ నేషనల్ అవార్డ్: మెగాస్టార్ చిరంజీవి

పైడి జైరాజ్ అవార్డ్: ఉలగనాయగన్ కమల్ హాసన్

ఏఎన్ఆర్ అవార్డ్: సహజ నటి జయసుధ

బిఎన్ రెడ్డి అవార్డ్: సింగీతం శ్రీనివాసరావు

కాంతారావు అవార్డ్: ఆర్. నారాయణమూర్తి

సినారె (సి .నారాయణ రెడ్డి) అవార్డ్: సుద్దాల అశోక్ తేజ

బి.ఎన్. రెడ్డి అవార్డ్: అశ్విని దత్

ప్రధాన అవార్డు గ్రహీతలకు గోల్డెన్/సిల్వర్ మెమెంటోతో పాటు ₹10 లక్షల నగదు పురస్కారాన్ని అందజేశారు. ఈ సందర్భంగా సీఎం రేవంత్ రెడ్డి మాట్లాడుతూ, హైదరాబాద్‌ను గ్లోబల్ సినీ హబ్‌గా మార్చేందుకు ‘సింగిల్ విండో సిస్టమ్’ తీసుకువస్తున్నట్లు ప్రకటించారు. కింగ్ నాగార్జున, మాధురి దీక్షిత్, రితేష్ దేశ్‌ముఖ్, జెనీలియా, దిల్ రాజు తదితర సినీ ప్రముఖులు ఈ వేడుకలో సందడి చేశారు.

ఆన్‌లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇

తెలుగు          తమిళ్          కన్నడ          మలయాళం          డబ్ద్ ఫిలిమ్స్