మాలీవుడ్ స్టార్ హీరో దుల్కర్ సల్మాన్ కథానాయకుడిగా ‘ఐ యామ్ గేమ్’ అనే కొత్త సినిమా ప్రారంభమైంది. ఇది దుల్కర్ సల్మాన్కు 40వ చిత్రం కావడం విశేషం. నహాస్ హిదాయత్ దర్శకత్వంలో రూపొందుతున్న ఈ మూవీ తాజాగా తిరువనంతపురంలో పూజా కార్యక్రమాలతో మొదలైంది. ఈ కార్యక్రమానికి ప్రధాన తారాగణం హాజరయ్యారు. ప్రముఖ నటులు యాంటోని వర్గీస్, తమిళ దర్శక-నటుడు మిస్కిన్ తదితరులు కీలక పాత్రలు పోషిస్తున్నారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
కాగా ఈ చిత్రాన్ని దుల్కర్ సల్మానే తన స్వంత బ్యానర్ వేఫారర్ ఫిల్మ్స్ పై నిర్మిస్తున్నారు. మిస్కిన్ ఈ చిత్రంతో మలయాళంలోకి అడుగుపెడుతున్నారు. ఈ చిత్రానికి కథను సజీర్ బాబ, ఇస్మాయిల్ అబుబక్కర్, బిలాల్ మొయిదు అందించారు. డైలాగ్ రైటర్స్ గా ఆధర్ష్ సుకుమారన్, షహబాస్ రషీద్ పని చేస్తున్నారు. అలాగే నహాస్ హిదాయత్ బ్లాక్బస్టర్ ‘ఆర్డిఎక్స్’ తర్వాత దర్శకత్వం వహిస్తున్న ప్రాజెక్ట్ కావడం మరో హైలెట్.
యాంటోని వర్గీస్, మిస్కిన్ ఈ చిత్రంలో భాగమవుతున్నారని ప్రకటించడంతో ఇప్పటికే అభిమానుల్లో భారీ ఉత్సాహం నెలకొంది. ఈ క్రమంలో తిరువనంతపురంలో చిత్రీకరణ మొదటి షెడ్యూల్ కొనసాగుతోంది. ఇది దుల్కర్ ఇప్పటి వరకు చేసిన మలయాళ చిత్రాలలో అత్యంత భారీ బడ్జెట్ చిత్రంగా రూపొందుతోంది. ఇందులో హై-వోల్టేజ్ యాక్షన్ సన్నివేశాలు ఉండబోతున్నాయి. ప్రత్యేకంగా రూపొందించిన టైటిల్ పోస్టర్ ఇప్పటికే సోషల్ మీడియాలో వైరల్ అవుతూ, సినిమాపై భారీ అంచనాలు నెలకొల్పింది.
కాగా ఈ చిత్రానికి పేరొందిన సాంకేతిక నిపుణులు పనిచేస్తున్నారు. సినిమాటోగ్రఫీ – జిమ్షీ ఖలీద్, సంగీతం – జేక్స్ బిజోయ్, ఎడిటింగ్ – చమన్ చాకో, ప్రొడక్షన్ డిజైనర్ – అజయన్ చల్లిసేరీ, మేకప్ – రోనెక్స్ జేవియర్, కాస్ట్యూమ్ – మాషర్ హంస, ప్రొడక్షన్ కంట్రోలర్ – దీపక్ పరమేశ్వరన్, అసోసియేట్ డైరెక్టర్ – రోహిత్ చంద్రశేఖర్, – మాన్యు మంజిత్, లిరిక్స్, వి. తౌఫీక్ (గుడ్డు తెలుపు), పోస్టర్ డిజైన్ – టెన్ పాయింట్, సౌండ్ డిజైన్ – సింక్ సినిమా, సౌండ్ మిక్సింగ్ – కన్నన్ గణపత్, స్టిల్స్ – SBK నిర్వహిస్తున్నారు.
ఆన్లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్ద్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
