మ్యాన్ ఆఫ్ మాసెస్ ఎన్టీఆర్ టైటిల్ పాత్ర‌లో న‌టిస్తోన్న భారీ బ‌డ్జెట్ పాన్ ఇండియా మూవీ ‘దేవర’. జాన్వీ కపూర్ కథానాయికగా నటిస్తుండగా.. భైరా అనే ప్రతినాయకుడి పాత్ర‌లో సైఫ్ అలీఖాన్ కీల‌క పాత్ర‌లో కనిపించనున్నారు. అలాగే ప్ర‌కాష్ రాజ్‌, శ్రీకాంత్‌, షైన్ టామ్ చాకో, న‌రైన్ కీల‌క పాత్ర‌ల‌ను పోషిస్తున్నారు. కొర‌టాల శివ ద‌ర్శ‌క‌త్వంలో తెర‌కెక్కుతోన్న ఈ చిత్రం అనేక సంచ‌ల‌నాల‌ను క్రియేట్ చేస్తోంది. అభిమానులు స‌హా అంద‌రూ ఎంతో ఆతృత‌గా ఈ సినిమా కోసం వెయిట్ చేస్తున్నారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఈ మ‌ధ్య విడుద‌లైన ఫియ‌ర్ సాంగ్, చుట్ట‌మ‌ల్లే, దావుడి సాంగ్స్‌కు, టీజ‌ర్‌కు వ‌చ్చిన రెస్పాన్స్‌తో సినిమాపై ఉన్న అంచ‌నాలు నెక్ట్స్ లెవ‌ల్‌కు చేరుకున్నాయి. ఇక ఓవ‌ర్‌సీస్‌లో సైతం ‘దేవర’ అంచ‌నాలు భారీగానే ఉన్నాయి. ఈ చిత్రాన్ని ప్ర‌త్యంగిర సినిమాస్ అమెరికాలో ఇప్పటివరకూ ఎవ‌రూ చేయ‌నంత గొప్ప‌గా రిలీజ్ చేయ‌టానికి స‌న్నాహాలు చేస్తోంది. దీనిలో భాగంగా రీసెంట్‌గా యూఎస్‌లో ప్రీ బుకింగ్స్‌ను ఓపెన్ చేయగా అక్కడ సెన్సేషన్ క్రియేట్ అవుతుంది.
ఇప్ప‌టికే ప్రీ సేల్స్ ఐదు ల‌క్ష‌ల డాల‌ర్స్‌ను దాటేసి మిలియన్ డాలర్స్ దిశగా దూసుకుపోతోంది. సినిమాపై ఉన్న బ‌జ్‌, ఊపు చూస్తుంటే ఇంకా ఈ లెక్క రోజు రోజుకీ పెరుగుతోందే కానీ త‌గ్గ‌టం లేదు. అభిమానులు టికెట్స్ కోసం ఎగ‌బ‌డుతున్న తీరు చూస్తుంటే దేవర బాక్సాఫీస్ ద‌గ్గ‌ర జోరు చూపిస్తార‌ని అంద‌రూ ఎదురు చూస్తున్నారు. ఈ స్పీడు చూస్తుంటే యు.ఎస్‌లో దేవర రికార్డ్ బ్రేకింగ్ ఓపెనింగ్ క‌లెక్ష‌న్స్ సాధిస్తుంద‌నిపిస్తోంది.
ఇక ఆడియెన్స్అయితే ఎప్పుడెప్పుడు ఈ సినిమాటిక్ ఫీల్‌ను తెర‌పై ఎంజాయ్ చేద్దామా అని ఎదురు చూస్తున్నారు. ఈ నేపథ్యంలో వినాయక చవితి సందర్భంగా దేవర టీమ్ క్రేజీ అప్‌డేట్‌ ఇచ్చింది. మంగళవారం మూవీ థియేట్రిక‌ల్ ట్రైల‌ర్‌ను రిలీజ్ చేయనున్నట్టు ప్రకటించింది. రేపు సాయంత్రం 5:04 గంటలకు ఈ ట్రైలర్ రానుంది. దీంతో తారక్ ఫ్యాన్స్ ఆనందానికి అవధులు లేకుండా పోయాయి. ఈ ట్రైలర్ కోసం వారు ఎప్పటినుంచో తెగ ఎదురుచూస్తున్నారు. ఇక ఈ ట్రైలర్ వచ్చాక సినిమాపై అంచ‌నాలు నెక్ట్స్ లెవ‌ల్‌కు రీచ్ అవుతాయ‌న‌టంలో సందేహం లేదు.
ఈ అమేజింగ్ సినిమాటిక్ ఎక్స్ హై యాక్షన్ థ్రిల్లర్‌ను రెండు భాగాలుగా తెరకెక్కిస్తున్న విషయం తెలిసిందే. మొదటి భాగం ‘దేవర: పార్ట్ 1’ను తెలుగు, తమిళ, హిందీ, మలయాళ, కన్నడ భాషల్లో సెప్టెంబర్ 27న విడుదల చేస్తున్నారు. నంద‌మూరి క‌ళ్యాణ్ రామ్ స‌మ‌ర్ప‌ణ‌లో ఎన్టీఆర్ ఆర్ట్స్, యువ సుధ ఆర్ట్స్ ప‌తాకాల‌పై మిక్కిలినేని సుధాక‌ర్‌, హ‌రికృష్ణ.కె ఈ సినిమాను నిర్మిస్తున్నారు. కాగా ఈ మూవీకి శ్రీక‌ర్ ప్ర‌సాద్ ఎడిటింగ్‌, ఆర్‌.ర‌త్న‌వేలు సినిమాటోగ్ర‌ఫీ, సాబు శిరిల్ ప్రొడ‌క్ష‌న్ డిజైనింగ్ బాధ్య‌త‌ల‌ను నిర్వ‌హిస్తున్నారు.
ఆన్ లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్బేడ్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
