శ్రీ వెంకటేశ్వర క్రియేషన్స్ బ్యానర్ పై భారీ చిత్ర దర్శకుడు శంకర్ దర్శకత్వంలో మెగా పవర్ స్టార్ రామ్ చరణ్ , కియారా అద్వానీ జంటగా భారీ బడ్జెట్ తో #RC15 మూవీ తెరకెక్కుతున్న విషయం తెలిసిందే. హీరో రామ్ చరణ్ యువ ఐఏఎస్ గా ఒక డైనమిక్ రోల్, విలన్ గా నటుడు , దర్శకుడు ఎస్ జె సూర్య నటిస్తున్న ఈ మూవీ లో అంజలి , జయరామ్ , శ్రీకాంత్ , సునీల్ ముఖ్య పాత్రలలో నటిస్తున్నారు .#RC15 మూవీ కి థమన్ ఎస్ సంగీతం అందిస్తున్నారు. #RC15 మూవీ షూటింగ్ ప్రస్తుతం న్యూజిలాండ్ లో ఒక సెట్ లో కొరియోగ్రాఫర్ బాస్కో సీజర్ నేతృత్వంలో రామ్ చరణ్ , కియారా అద్వానీ లపై ఒక భారీ సాంగ్ ను దర్శకుడు శంకర్ తెరకెక్కిస్తున్నారు.
తాజాగా న్యూజిలాండ్ షెడ్యూల్ పూర్తి అయ్యింది. ఈ విషయాన్ని హీరో రామ్ చరణ్ సోషల్ మీడియా ద్వారా వెల్లడించారు. న్యూజిలాండ్ లో సాంగ్ షూటింగ్ పూర్తి అయిందంటూ లొకేషన్లో టీమ్ మెంబర్స్ కేక్ కట్ చేసిన ఫొటోలను రామ్ చరణ్ సోషల్ మీడియాలో షేర్ చేశారు . ఈ ఫొటోలు ఇప్పుడు వైరల్ గా మారాయి. దర్శకుడు శంకర్, హీరో రామ్ చరణ్ కాంబినేషన్ లో ఫస్ట్ టైమ్ తెరకెక్కుతున్న ఈ మూవీ పై భారీ అంచనాలు నెలకొన్నాయి.