
మౌళి తనూజ్ ప్రశాంత్ హీరోగా నటించిన తాజా చిత్రం ‘డీఎన్కే ’ (DNK) బాక్సాఫీస్ వద్ద అద్భుతమైన ప్రదర్శనతో దూసుకుపోతోంది. శ్రీను కంబాల దర్శకత్వం వహించిన ఈ చిత్రాన్ని మైత్రీ మూవీ మేకర్స్ పతాకంపై నిర్మాతలు నవీన్ యెర్నెని, వై. రవిశంకర్ భారీ స్థాయిలో నిర్మించారు. విడుదలైన మొదటి రోజు నుంచే ప్రేక్షకుల నుంచి పాజిటివ్ టాక్ తెచ్చుకున్న ఈ సినిమా, బాక్సాఫీస్ వద్ద ఘన విజయం దిశగా అడుగులు వేస్తోంది.
ప్రేక్షకుల నుంచి లభిస్తున్న ఈ ఆదరణతో డీఎన్కే మొదటి వారాంతంలోనే సరికొత్త మైలురాయిని అధిగమించింది. విడుదలైన కేవలం 3 రోజుల్లోనే ప్రపంచవ్యాప్తంగా ఏకంగా 10.15 కోట్ల రూపాయల గ్రాస్ వసూళ్లను రాబట్టి సంచలనం సృష్టించింది. చిన్న సినిమాలకు ఈ స్థాయిలో కలెక్షన్లు రావడం విశేషం.
మొదటి వారాంతం ముగిసేసరికి ఈ స్థాయి వసూళ్లు సాధించడంతో, ఈ చిత్రం కేవలం 3 రోజుల్లోనే లాభాల బాటలోకి (ప్రాఫిట్ జోన్) అడుగుపెట్టినట్లు చిత్ర బృందం అధికారికంగా ప్రకటించింది. సినిమాకు పెట్టిన పెట్టుబడి తొలి వారాంతంలోనే వెనక్కి రావడంతో పాటు నిర్మాతలు, బయ్యర్లు లాభాల జోన్లోకి చేరడంతో ట్రేడ్ వర్గాల్లో ఈ సినిమా చర్చనీయాంశంగా మారింది. రానున్న రోజుల్లో ఈ వసూళ్ల జోరు మరింత కొనసాగే అవకాశం ఉందని విశ్లేషకులు భావిస్తున్నారు.
వీడియోస్










