సూపర్ స్టార్ రజనీ కాంత్ కూడా ఒక సినిమా తరువాత ఒక సినిమాను చేసుకుంటూ వెళుతున్నాడు. ఇటీవలే అన్నాత్తే సినిమా ప్రేక్షకుల ముందుకు వచ్చిన రజనీ కాంత్ ఆ సినిమాతో డీసెంట్ హిట్ ను అందుకున్నాడు. ఇక ప్రస్తుతం మరో సినిమాకు సిద్దమవుతున్నాడు. విజయ్ తో బీస్ట్ సినిమాను తీసి హిట్ కొట్టిన నెల్సన్ దర్శకత్వంలో రజనీ తన 169 వ సినిమాను చేస్తున్నాడు. ప్రస్తుతం ప్రీ ప్రొడ‌క్ష‌న్ పనులను జ‌రుపుకుంటున్న ఈ చిత్రం త్వరలోనే షూటింగ్ మొద‌లు పెట్ట‌నున్నట్టు తెలుస్తుంది. ఇక ఈసినిమాపై గత కొద్దికాలంగా పలు వార్తలు వస్తున్న సంగతి కూడా తెలిసిందే కదా.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇక తాజాగా ఈసినిమా నుండి అప్ డేట్ ఇచ్చి సర్ ప్రైజ్ చేశారు. ఈసినిమా టైటిల్ ను రిలీజ్ చేశారు మేకర్స్. ఈసినిమాకు జైలర్ అనే టైటిల్ ను ఫిక్స్ చేస్తూ పోస్టర్ ను కూడా రిలీజ్ చేశారు చిత్రయూనిట్. ఇక పోస్టర్ లో ఒక చైన్ కి కట్టి వేసిన ఒక పొడవాటి కత్తి , దానిపై రక్తపు మరకలు ఉన్నాయి. ఈ పోస్టర్ ద్వారా ఈ సినిమా ఒక మాస్ యాక్షన్ ఎంటర్టైనర్ మూవీ అని తెలుస్తోంది.
కాగా రోబో సినిమాలో రజనీకి జోడీగా నటించిన ఐశ్వర్యరాయ్ ను ఈ సినిమాలో హీరోయిన్ గా సెలక్ట్ చేసినట్లు తెలుస్తోంది. ఇంకా ఈసినిమాలో ర‌మ్య కృష్ణ, ప్రియాంక అరుళ్ మోహ‌న్‌, శివ‌రాజ్‌కుమార్ వంటి అగ్ర తార‌లు న‌టించ‌నున్న‌ట్లు టాక్. ఈ మూవీ కి సన్సేషనల్ మ్యూజిక్ డైరెక్టర్ అనిరుద్ రవిచంద్రన్ సంగీతాన్ని అందించబోతున్నాడు. ఈ సినిమాను సన్ పిక్చర్స్ బ్యానర్ పై భారీ స్థాయిలో నిర్మించనున్నారు.
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
