అందాల రాక్షసి సినిమాతో తెలుగు తెరకు పరిచయమైన నటి లావణ్య త్రిపాఠి. మొదటి సినిమాతోనే నటిగా మంచి గుర్తింపు తెచ్చుకుంది. ఆ తరువాత వరుసగా సినిమాలు చేసుకుంటూ వస్తున్నా లావణ్యకు మాత్రం సరైన విజయాలు అందట్లేదు. అయినా కూడా ఏమాత్రం నిరాశ చెందకుండా కెరీర్ ను కొనసాగిస్తూనే ఉంది. ఇక ఇప్పుడు మరో సినిమాతో వచ్చేస్తుంది. లావణ్య త్రిపాఠి ప్రధాన పాత్రలో వస్తున్న సినిమా హ్యాపీ బర్త్ డే. మత్తు వదలరా తో సాలిడ్ హిట్ అందుకున్న దర్శకుడు రితేష్ రానా ఈసినిమాను డైరక్ట్ చేస్తున్నాడు. ఈసినిమా జులై 15న రిలీజ్ కానున్న నేపథ్యంలో చిత్రయూనిట్ ఇప్పటి నుండే బజ్ క్రియేట్ చేసే ప్రయత్నాలు చేస్తుంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇక ఈసినిమా టీజర్ ను నేడు రిలీజ్ చేశారు చిత్రయూనిట్. ఇక టీజ‌ర్‌ను గ‌మనిస్తే అవుట్ అండ్ అవుట్ కామెడీ ఎంట‌ర్టైన‌ర్‌గా సినిమా ఉండ‌బోతుంద‌ని తెలుస్తుంది. ఆయుధాల చ‌ట్టం అంటే ఏంటి సుయోధ‌న.. ఇంటింటికి గన్, ఎదురులేని ఫ‌న్’ అంటూ టీజర్ మొద‌లవ్వగా.. తాను టెన్త్ ఫెయిల్ అయిండోచ్చు.. కానీ గన్ బిల్లు మాత్రం పాస్ చేయించి తీరుతా అంటూ వెన్నెల కిషోర్ చెప్పే డైలాగ్ ఆకట్టుకుంటోంది. నో గన్.. నో ఎంట్రీ అంటూ గన్ కల్చర్‌ను చూపించారు. ఆయుధాలను మెయిన్‌గా తీసుకుని కామెడీని మిక్స్ చేసి ఈ మూవీని తెరకెక్కించినట్లు అర్థమవుతోంది. టీజర్ సినిమాపై అంచనాలను పెంచేసింది. మరోసారి రితేష్ హిట్ కొట్టే అవకాశాలు బాగానే ఉన్నట్టు కనిపిస్తుంది.
Intintiki Gun-u, Eduru Leni Fun-u 🥳#HappyBirthday Fun Blasting Teaser out now..
▶️ https://t.co/UQFM4Qixnm#HBDMovie #HBDMovieOnJuly15@RiteshRana @nareshagastya @vennelakishore #Satya @kaalabhairava7 @sureshsarangam @ClapEntrtmnt @MythriOfficial pic.twitter.com/sDsgxW9Z5T— LAVANYA (@Itslavanya) June 7, 2022
ఇంకా ఈసినిమాలో నరేష్ అగస్త్య, సత్య, వెన్నెల కిషోర్ ప్రధాన పాత్రల్లో నటిస్తున్నారు. మైత్రీ మూవీ మేకర్స్‌ – క్లాప్ ఎంటర్‌టైన్‌మెంట్స్ బ్యానర్ల పై ఈసినిమాను నిర్మిస్తున్నారు. కాల భైరవ సంగీతం అందిస్తుండగా సురేష్ సరంగం సినిమాటోగ్రాఫర్ గా పనిచేస్తున్నారు.
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
