పరుశురామ్ దర్శకత్వంలో సూపర్ స్టార్ మహేష్ బాబు హీరోగా ‘సర్కారు వారి పాట’ సినిమా చేస్తున్న సంగతి తెలిసిందే. ప్రస్తుతం ఈ చిత్ర షూటింగ్ శరవేగంగా జరుగుతోంది. బ్యాంకుల కుంభకోణం నేపథ్యంలో తెరకెక్కే ఈసినిమాపై కూడా భారీ అంచనాలే ఉన్నాయి. కేవలం పోస్టర్లు, బ్లాస్టర్ అంటూ రిలీజ్ అయిన చిన్న వీడియోతో సినిమాపై ఎక్స్ పెక్టేషన్స్ ఇంకా పెంచేశారు. దానికితోడు ఈసినిమా నుండి ఈ మధ్యనే విడుదలైన ‘కళావతి’ పాట యూట్యూబ్ లో రికార్డులు సృష్టించింది. సిద్ శ్రీరామ్ పాడిన ఈపాట అందరినీ అలరించడమే కాదు.. ఈ పాటలోని హుక్ స్టెప్ కూడా అందరికీ నచ్చేసింది. సామాన్యుల దగ్గర నుండి సెలబ్రిటీలు సైతం మహేష్ వేసిన స్టెప్ వేసి రీల్స్ చేశారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
ఇక ఈసినిమా నుండి రెండో పాటను రిలీజ్ చేయడానికి సిద్దమవుతున్న సంగతి తెలిసిందే. పెన్నీ సాంగ్ అంటూ వచ్చే ఈపాట రిలీజ్ కు డేట్ ను ఫిక్స్ చేశారు. మార్చి 20వ తేదీన ఈపాటను రిలీజ్ చేయనున్నారు. దీంతో అభిమానులు ఆసక్తిగా ఈ పాట కోసం ఎదురు చూస్తున్నారు. మరి మొదటి పాట ఎఫెక్ట్ వల్ల రెండో పాటపై కూడా అదే రేంజ్ లో ఉంటుందేమో ఆసక్తి అయితే అందరిలో ఉంది. చూద్దాం మరి ఈపాట ఎలా ఉంటుందో..
A song worth every Penny 😎#PennySong from #SarkaruVaariPaata will be credited to your playlist on 20th March 💥#SVPOnMay12#SVPSecondSingle
Super🌟 @urstrulyMahesh @KeerthyOfficial @ParasuramPetla @MusicThaman @14ReelsPlus @GMBents @saregamasouth pic.twitter.com/VqCSJJn3X9
— Mythri Movie Makers (@MythriOfficial) March 17, 2022
కాగా పూర్తిగా కమర్షియల్ ఎంటర్టైనర్ గా తెరకెక్కిస్తున్న ఈసినిమాలో మహేష్ సరికొత్త లుక్ లో కనిపిస్తున్నారు. ఈసినిమాలో కీర్తి సురేష్ హీరోయిన్ గా నటిస్తుండగా.. సముద్రఖని మరో కీలక పాత్రలో నటిస్తున్నట్టు తెలుస్తుంది. మైత్రీ మూవీ మేకర్స్, 14 రీల్స్ ప్లస్, జీయంబీ ఎంటర్టైన్మెంట్స్ బ్యానర్లు సంయుక్తంగా ఈసినిమాను నిర్మిస్తున్నాయి. థమన్ ఈ సినిమాకు సంగీతం అందిస్తున్నాడు. మే12న ఈసినిమాను రిలీజ్ చేయనున్నారు.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: