దర్శనం మొగిలయ్య అలియాస్ కిన్నెర మొగిలయ్య.. ఈ పేరు గత కొద్దికాలంగా ఎవరికీ తెలీదు.. కానీ ఎప్పుడైతే భీమ్లా నాయక్ సినిమాలో టైటిల్ సాంగ్ పాడాడో అప్పటినుండి తెలుగు రాష్ట్రాల్లో ఒక్కసారిగా పాపులర్ అయ్యాడు. భీమ్లానాయక్ లో తను పాడిన పాటకు ఎంత క్రేజ్ వచ్చిందో కూడా చూశాం. ఆడా లేడు మియా సాబ్.. ఈడా లేడు మియా సాబ్ అని మొగిలయ్య పాడే పాటను ఈసినిమాకోసం కాస్త లిరిక్స్ మార్చారు. అయితే ఈపాటలో ఉన్న సహజత్వం పోకుండా ఉండాలని తన చేతే పాడించారు భీమ్లానాయక్ మేకర్స్. ఇక మొగిలయ్య ఆపాట పాడకుండా ఉంటే అంత క్రేజ్ వచ్చేది కాదేమో. తన గొంతే పాటకు ప్రాణం పోసింది అని చెప్పడంలో ఎలాంటి సందేహం లేదు. ఈ పాట పాపులర్ అయ్యాక పవన్ కళ్యాణ్ కూడా మొగిలయ్యని అభినందించారు. ఆర్థిక సాయం కూడా చేశారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
కాగా ఇటీవలే కేంద్ర ప్రభుత్వం మొగిలయ్యకు పద్మ శ్రీ పురస్కారాన్ని అందించింది. ఇక తాజాగా సీఎం కేసీఆర్ కూడా మొగిలయ్యకు రివార్డును ప్రకటించారు. కోటిరూపాయలతో పాటు హైద్రాబాద్ లో ఇంటి స్థలం.. ఇంటి నిర్మాణం ఖర్చు ప్రకటించారు. ఈ విషయాన్ని తెలంగాణ సీఎంవో తమ అధికారిక ట్విట్టర్ ద్వారా కూడా ఈవిషయాన్ని తెలియచేశారు. మొత్తానికి ఇన్నేళ్లకు మొగిలయ్య జీవితంలో మంచి రోజులు వచ్చాయి.
పద్మశ్రీ శ్రీ దర్శనం మొగిలయ్యకు హైదరాబాద్ లో నివాసయోగ్యమైన ఇంటి స్థలంతో పాటు ఇంటి నిర్మాణం ఖర్చు, ఇతరత్రా అవసరాల కోసం కోటి రూపాయలను సీఎం శ్రీ కేసీఆర్ ప్రకటించారు. ఇటీవల పద్మశ్రీ అవార్డు పొందిన కిన్నెర మెట్ల కళాకారుడు శ్రీ దర్శనం మొగిలయ్య ఈ రోజు ప్రగతి భవన్ లో సీఎంను కలిశారు. pic.twitter.com/z2A9VseUIz
— Telangana CMO (@TelanganaCMO) January 28, 2022
ఇక ఇదిలా ఉండగా ఆపాటతో మొగిలయ్య తో పాటు తనకు జీవనాధారం అయిన కిన్నెర కళ గురించి కూడా అందరికీ తెలిసింది. మొగిలయ్య స్వస్థలం నాగర్‌కర్నూలు జిల్లా తెల్కపల్లి మండలం గట్టురాయిపాకుల. 12 మెట్ల కిన్నెరను వాయించడంలో సిద్దహస్తుడు మొగిలయ్య. తాతల నుంచి తనకు అందిన 12 మెట్ల కిన్నెరతోనే ఆయన కాలం గడుపుతున్నాడు. అది వాయిస్తూనే పొట్ట నింపుకుంటున్నాడు. అంతేకాదు ప్రస్తుతం ఈ సంప్రదాయ వాద్యాన్ని వాయించేది మొగిలయ్య ఒక్కరేనని.. తనకు వచ్చిన కళను అందరికీ తెలియాలని ఎప్పటినుండో తాపత్రయ పడుతున్నానని మొగిలయ్య చెబుతున్నాడు. ఇన్నాళ్లకు తను అనుకున్నది నెరవేరినందుకు చాలా సంతోషంగా ఉందని తెలుపుతున్నాడు.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
