దర్శక ధీరుడు రాజమౌళి దర్శకత్వంలో ఎన్టీఆర్, రామ్ చరణ్ కాంబినేషన్ లో వస్తున్న మల్టీస్టారర్ ఆర్ఆర్ఆర్. ఇక ఈసినిమా కోసం సినీ లవర్స్ అంతా ఎంతో ఆసక్తిగా ఎదురుచూస్తున్నారు. ఈ సినిమానుంచి ఏ చిన్న అప్డేట్ వచ్చినా అది ఏ రేంజ్ లో వైరల్ అవుతుందో ప్రత్యేకంగా చెప్పనక్కర్లేదు. ఇప్పటికే ఈ సినిమా నుంచి ఎన్టీఆర్, రామ్ చరణ్ టీజర్స్ను విడుదల చేశారు మేకర్స్. అవి సినిమాపై ఇంకా అంచనాలను పెంచేశాయి. ఇక ఈసినిమా ప్రస్తుతం పోస్ట్ ప్రొడక్షన్ పనులను ముగించుకునే పనిలో ఉంది. ఇక ఈసినిమా ప్రమోషన్స్ ఏ రేంజ్ లో చేయబోతున్నారో ఇప్పటికే అర్థమవుతుంది. దీనిలో భాగంగానే పీవీఆర్ తో ఆర్ఆర్ఆర్ డీల్ కుదుర్చుకుంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
ఇక ఈసినిమా నుండి గ్లింప్స్ కు సంబంధించిన వీడియో ఒకటి నిన్న రిలీజ్ కావాల్సి ఉంది. అయితే కన్నడ స్టార్ హీరో పునీత్ రాజ్ కుమార్ హఠాన్మరణం కారణంగా ఈ రోజు విడుదల చేయాల్సిన గ్లింప్స్ను వాయిదా వేస్తున్నామని చిత్రయూనిట్ తెలిపింది. ఇక తాజాగా మరోసారి డేట్ ను ఫిక్స్ చేస్తూ ప్రకటించారు. నవంబరు 1న ఉదయం 11 గంటలకు విడుదల చేయనున్నట్లు ప్రకటించింది. 45 సెకన్ల నిడివితో ఆ వీడియో ఉంటుందని చిత్రబృందం తెలిపింది.
కాగా స్వాతంత్య్ర సమరయోధులు కొమరం భీమ్, అల్లూరి సీతారామరాజు పాత్రల ఆధారంగా ఫిక్షన్ నేపథ్యంలో ఈసినిమా తెరకెక్కిస్తున్నాడు రాజమౌళి. రామ్ చరణ్ సరసన బాలీవుడ్ బ్యూటీ అలియా భట్ నటిస్తుండగా.. ఎన్టీఆర్ సరసన హాలీవుడ్ భామ ‘ఒలివియా మోరిస్’ నటిస్తుంది. ఇక ముఖ్యమైన పాత్రల్లో బాలీవుడ్ స్టార్ హీరో అజయ్ దేవగన్, సముద్రఖని, రే స్టీవెన్సన్, ఆలిసన్ డూడి కూడా నటిస్తున్నారు. డీవీవీ ఎంటెర్టైన్మెంట్స్ పతాకం ఫై దానయ్య ఈ సినిమాని నిర్మిస్తున్నారు. ఈ చిత్రానికి కీరవాణి సంగీతం అందిస్తున్నారు.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: