ఓటీటీ లోనే మాస్ట్రో.. ట్రైలర్ రిలీజ్ కు డేట్ ఫిక్స్
Release Date Fixed For Maestro Trailer On OTT Platform

మొత్తానికి చాలా సస్పెన్స్ తరువాత మాస్ట్రో సినిమా రిలీజ్ విషయంలో క్లారిటీ వచ్చింది. ఈసినిమా ఎప్పుడో షూటింగ్ ను పూర్తి చేసుకుంది కానీ రిలీజ్ డేట్ ను మాత్రం ఇంతవరకూ ప్రకటించలేదు. అంతేకాదు కరోనా సెకండ్ వేవ్ తగ్గిన తరువాత థియేటర్లు ఓపెన్ చేసినా కూడా ఈసినిమా రిలీజ్ డేట్ ను మాత్రం ప్రకటించలేదు. ఇన్ని రోజులు ఓటీటీలో రిలీజ్ అవుతుందా లేక థియేటర్ లో రిలీజ్ అవుతుందా అన్న కన్ఫ్యూజన్ లోనే ఉంచారు. ఇప్పుడు ఫైనల్ గా ఈసినిమాను ఓటీటీలోనే రిలీజ్ చేస్తున్నట్టు తెలిపారు. డిస్నీ హాట్ స్టార్ లో ఈ సినిమా స్ట్రీమింగ్ కానుంది. అంతేకాదు ఈ సినిమా ట్రైలర్ డేట్ ను కూడా ఫిక్స్ చేశారు చిత్రయూనిట్ ఆగష్ట్ 23న ఈసినిమా ట్రైలర్ ను రిలీజ్ చేస్తున్నట్టు ప్రకటించారు.

కాగా మేర్లపాక గాంధీ దర్శకత్వంలో నితిన్ ప్రధాన పాత్రలో ఈసినిమా వస్తుంది బాలీవుడ్ లో సూపర్ హిట్ అయిన అంధాధూన్ సినిమాకు ఈసినిమా రీమేక్ అన్న సంగతి తెలిసిందే కదా. ప్రస్తుతం పోస్ట్ ప్రొడక్షన్ పనులు ముగించుకునే పనిలో ఉంది.
కాగా రాధికా ఆప్టే పాత్రలో నభా నటేష్, టబు పాత్రలో తమన్నా నటించనున్నారు. శ్రేష్ఠ్ మూవీస్ బ్యానర్పై ఎన్.సుధాకర్ రెడ్డి, నికితా రెడ్డి ఈ చిత్రాన్ని నిర్మిస్తున్నారు. ఈ చిత్రానికి సాగర్ మహతి సంగీతం అందించనుండగా... హరి కె.వేదాంత్ సినిమాటోగ్రాఫర్గా పనిచేయనున్నారు.
వీడియోస్
00:03:29Tamannah Gets Upset With Vikram
00:02:06Tamanna challenges Prabhu Deva

00:01:13


