కంటెంట్‌కు వెళ్లండి
తెలుగు ఫిల్మ్‌నగర్
వెనక్కి

ఆసక్తికరంగా ఆకాశంలో ఒక తార ట్రైలర్

ఆసక్తికరంగా ఆకాశంలో ఒక తార ట్రైలర్

ఆసక్తికరంగా ఆకాశంలో ఒక తార ట్రైలర్

Aakasamlo Oka Tara Trailer Looks Intriguing

ఆసక్తికరంగా ఆకాశంలో ఒక తార ట్రైలర్

మలయాళ కథానాయకుడు దుల్కర్ సల్మాన్ ప్రధాన పాత్రలో నటిస్తున్న తాజా తెలుగు చిత్రం ‘ఆకాశంలో ఒక తార’ విడుదల తేదీ దగ్గరపడుతుండటంతో చిత్ర బృందం ప్రచార కార్యక్రమాలను ముమ్మరం చేసింది. ఇందులో భాగంగా తాజాగా ఈ సినిమా థియేట్రికల్ ట్రైలర్‌ను విడుదల చేశారు. ఇప్పటికే విడుదలైన ప్రచార చిత్రాలతో ఆసక్తిని పెంచిన ఈ సినిమా, తాజా ట్రైలర్‌తో ప్రేక్షకుల్లో అంచనాలను మరింత పెంచింది.

ఈ చిత్రంలో సాత్విక వీరవల్లి ‘కల్పన’ అనే గ్రామీణ యువతి పాత్రలో కనిపించనున్నారు. ఒక చిన్న గ్రామంలో నివసించే కల్పనకు వ్యోమగామి కావాలనే పెద్ద కల ఉంటుంది. తన పరిస్థితులు, ఎదురయ్యే అడ్డంకులు ఎన్ని ఉన్నా ఆ లక్ష్యాన్ని సాధించాలని ఆమె పట్టుదలగా ప్రయత్నిస్తుంది. ఈ ప్రయాణంలో ‘కృష్ణ’ అనే పాత్రలో నటించిన దుల్కర్ సల్మాన్ ఆమెకు అండగా నిలుస్తారు. కల్పన కలను నిజం చేయడానికి కృష్ణ ఎలా తోడ్పడ్డారు, ఆమె ఎదుర్కొన్న సవాళ్లను అధిగమించేందుకు ఎలా సహాయం చేశారు అనే అంశాల చుట్టూ ఈ కథ భావోద్వేగభరితంగా సాగుతుంది.

హృదయాన్ని తాకే సంభాషణలు, మనసుకు హత్తుకునే జీవీ ప్రకాష్ కుమార్ నేపథ్య సంగీతం ట్రైలర్‌కు ప్రధాన బలంగా నిలిచాయి. పవన్ సాధినేని దర్శకత్వం వహిస్తున్న ఈ చిత్రంలో శ్రుతి హాసన్, స్వాసిక, మురళీ శర్మ, రుహాణి శర్మ తదితరులు కీలక పాత్రలు పోషిస్తున్నారు. గీతా ఆర్ట్స్, స్వప్న సినిమా, లైట్‌బాక్స్ మీడియా, వైజయంతీ మూవీస్ సంస్థలు సంయుక్తంగా నిర్మించిన ఈ చిత్రం నవంబర్ 20న తెలుగుతో పాటు మలయాళం, హిందీ, తమిళ భాషల్లో ప్రపంచవ్యాప్తంగా ప్రేక్షకుల ముందుకు రానుంది.

వీడియోస్

Aakasamlo Oka Tara
సినిమాAakasamlo Oka Tara2 కథనాలు · సినిమా పేజీ →

సంబంధిత వార్తలు

అన్నీ
వాట్సాప్‌లో షేర్ చేయండి

షేర్