ఇప్పటివరకూ కామెడీ పాత్రల్లో అలరించిన కమెడియన్ సత్య ఇప్పుడు హీరోగా మారిపోయాడు. సత్య ప్రధాన పాత్రలో వివాహ భోజనంబు సినిమా వస్తున్న సంగతి తెలిసిందే కదా. కామెడీ ఎంటర్ టైనర్ గానే ఈసినిమా వస్తుంది. ఈ సినిమా కూడా కరోనా బ్యాక్ డ్రాప్ లోనే వస్తుంది. కరోనా సమయంలో పెళ్లి చేసుకున్న ఓ పిసినారి పెళ్లి కొడుకు కథే ఈ సినిమా. లాక్ డౌన్ పెట్టడంతో ఇంటికి వచ్చిన బంధువులను పోషించడానికి ఎలాంటి కష్టాలు పడ్డాడు ? వాళ్ళని బయటకు పంపించడానికి ఏమేమి ప్లాన్స్ వేశాడు ? అనేది ఈసినిమాలో ఫన్నీగా చూపించనున్నారు.
ఇక ఈసినిమా కూడా ఎప్పుడో రిలీజ్ అవ్వాలి కాని పరిస్థితుల వల్ల లేట్ అయింది. ఇక ఇప్పుడు ఫైనల్ గా రిలీజ్ డేట్ ను ఫిక్స్ చేశారు చిత్రయూనిట్. అయితే ఈసినిమాను ఓటీటీలో రిలీజ్ చేయనున్నారు. ఆగష్ట్ 27న సోనీ లైవ్ లో ఈసినిమా స్ట్రీమింగ్ కానుంది.
s@sundeepkishan
#VivahaBhojanambu August 27th Telugu’s 1st @SonyLIV original ❤️
కాగా సందీప్ కిషన్ కూడా ఈసినిమాలో ఒక కీలక పాత్రలో నటిస్తున్నాడు. అర్జావీ రాజ్ హీరోయిన్ గా నటిస్తుండగా... సుదర్శన్, శ్రీకాంత్ అయ్యంగార్, టి.ఎన్.ఆర్, వైవా హర్ష, మధుమణి, నిత్యశ్రీ, కిరీటి తదితరులు ఇతర ప్రధాన పాత్రలు పోషించారు. వెంకటాద్రి టాకీస్, సోల్జర్స్ ఫ్యాక్టరీ, ఆనంది ఆర్ట్స్ క్రియేషన్స్ పతాకాలపై రూపొందనున్న ఈ సినిమాను సందీప్ కిషన్, శినీష్, కిరణ్ నిర్మిస్తున్నారు. అనివీ సంగీతం అందిస్తున్న ఈసినిమాకు... మణికందన్ సినిమాటోగ్రఫీ అందిస్తున్నాడు.