సక్సెస్ కోసం ఎదురుచూసే హీరోల్లో గోపీచంద్ కూడా ఒకడు. సక్సెస్ అనే మాట విని చాలా కాలం అయింది. అయినా కూడా సినిమాలు చేసుకుంటూ వెళుతున్నాడు. ప్రస్తుతం సీటీమార్ సినిమాతో తన లక్ ను మరోసారి పరీక్షీంచుకోవడానికి వస్తున్నాడు. మాస్ డైరెక్టర్ సంపత్ నంది దర్శకత్వంలో గోపీచంద్, మిల్కీబ్యూటీ తమన్నా జంటగా నటిస్తున్న చిత్రం ‘సీటీమార్’. స్పోర్ట్స్ డ్రామా నేపథ్యంలో తెరకెక్కుతున్న ఈ సినిమా షూటింగ్ పూర్తి చేసుకొని ప్రస్తుతం పోస్ట్ ప్రొడక్షన్ పనులు జరుపుకుంటుంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇక ఈసినిమాను ఎప్రిల్ 2వ తేదీన రిలీజ్ చేయాలని డేట్ ఫిక్స్ చేశారు.. కానీ ఇప్పుడు రిలీజ్ డేట్ వాయిదా వేస్తున్నారు. పోస్ట్ ప్రొడక్షన్ పనులు లేటవ్వడంతో సినిమా రిలీజ్ వాయిదా వేస్తున్నట్టు తమ నిర్మాణ సంస్థ ట్విట్టర్ ద్వారా అధికారికంగా ప్రకటించారు. త్వరలోనే మరో రిలీజ్ డేట్ ను తెలుపుతామని ట్వీట్ లో పేర్కొన్నారు.
Due to delay in post-production works and to give a better experience to the Audiences, our #Seetimaarr release is pushed from April 2nd, 2021.
We shall announce the new date at the earliest and we promise that the delay is all that worth.
— Srinivasaa Silver Screen (@SS_Screens) March 27, 2021
కాగా ఈ సినిమాలో తమన్నా తెలంగాణ క‌బ‌డ్డీ టీమ్ కోచ్‌గా మరో కీలక పాత్రలో నటిస్తుంది. మరో హీరోయిన్ దిగంగ‌న న‌టిస్తుండ‌గా పోసాని కృష్ణ ముర‌ళి, రావు ర‌మేష్‌, భూమిక, రెహ‌మాన్, బాలివుడ్ యాక్ట‌ర్ త‌రుణ్ అరోరా కూడా న‌టిస్తున్నారు. మెలోడి బ్ర‌హ్మ మ‌ణిశ‌ర్మ సంగీతం అందిస్తున్నాడు. సౌంద‌ర్ రాజ‌న్ సినిమాటోగ్రఫీ అందిస్తున్నాడు. గోపిచంద్ కెరీర్‌లోనే భారీ బ‌డ్జెట్‌, హై టెక్నిక‌ల్ వాల్యూస్‌తో పవన్‌ కుమార్ స‌మ‌ర్పణ‌లో శ్రీనివాసా సిల్వర్‌ స్క్రీన్‌ పతాకంపై శ్రీనివాసా చిట్టూరి ఈ చిత్రాన్ని నిర్మిస్తున్నారు.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
