విజయ్ కనకమేడల దర్శకత్వంలో నరేష్ ‘నాంది’ సినిమా చేస్తున్న సంగతి తెలిసిందే. చాలా డిఫరెంట్ కథతో వస్తున్నాడు నరేష్ . ఇప్పటికే ఈ సినిమా టీజర్ కు ట్రైలర్ కు వస్తున్న రెస్పాన్స్ చూస్తుంటే సినిమా పక్కా హిట్ కొడుతుందన్న నమ్మకంతో ఉన్నారు. రేపు థియేటర్ లోకి రాబోతున్న ఈ సినిమా ఆ నమ్మకాన్ని నిలబెట్టుకుంటుందో లేదో చూడాలంటే మాత్రం ఒక రోజు వెయిట్ చేయాల్సిందే. అయితే ఈ సినిమా చూడటానికి మాత్రం ఇంట్రెస్టింగ్ ఎలిమెంట్స్ బాగానే ఉన్నాయి. అవేంటో ఒకసారి లుక్కేద్దాం.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
* మొదటిగా చెప్పాలంటే ఈ సినిమాకు ఫస్ట్ హైలైట్ అల్లరి నరేష్. ఇప్పటివరకూ తన కామెడీ సినిమాలతో అలరించిన అల్లరి నరేష్ చాలా సీరియస్ పాత్రతో వస్తున్నాడు. అయితే మధ్యలో అల్లరి నరేష్ గమ్యం, మహర్షి లో అలాంటి పాత్రలో చేసినా కూడా ఈ సినిమాలో మాత్రం ప్రత్యేకత ఉంది. ఈ సినిమాలో మొదటిసారిగా నగ్నంగా నటిస్తున్నాడు. ఒక రకంగా ఇదే ఈ సినిమాపై ఈ రేంజ్ లో అంచనాలు పెంచడానికి కారణం అయింది.
* వరలక్ష్మీ శరత్ కుమార్.. తమిళ్ లో పలు సినిమాల్లో నటించిన శరత్ కుమార్ డబ్బింగ్ సినిమాలతో అందరికీ సుపరిచితురాలే. ఇక తెలుగులో ఇటీవలే రిలీజ్ అయిన క్రాక్ సినిమాతో మంచి గుర్తింపు తెచ్చుకుంది. ఇక ఈ సినిమాలో లాయర్ గా మరో కీలక పాత్రలో నటిస్తుంది.
* మరో ఇంట్రెస్టింగ్ ఎలిమెంట్ మనకు తెలియని ఒక సెక్షన్ గురించి చెప్పబోతున్నారట. నిజానికి ఈ సెక్షన్స్.. దేనికి ఏ సెక్షన్ ఉంటుంది అనేది సామాన్య ప్రజలకు తెలియడం కష్టమే. తప్పు చేసిన వాళ్లకి ఎలాగూ శిక్షలు పడుతాయి.. కానీ ఒక్కోసారి చేయని వారు కూడా ఖైదీలుగా వుంటారు. తప్పు చేశారో? లేదో? తెలియకుండానే ఖైదీగా ఉంటారు. ఈ నేపథ్యంలో చట్టాల గురించి చూపించారు. ఓ సెక్షన్ గురించి స్పెషల్ గా చెప్పాం అని ఇప్పటికే నరేష్ చెప్పాడు. అదేంటో సినిమాలో చూసి తెలుసుకుంటారు.
* డైరెక్టర్ విజయ్ కనకమేడల కథ..ఒక డిఫరెంట్ కథతో వస్తున్నట్టు అర్ధమవుతుంది. మొదటి సినిమాతోనే ఇప్పుడు బ్లాక్ బస్టర్ హిట్స్ అందుకుంటున్నారు చాలా మంది డైరెక్టర్స్. హరీష్ శంకర్ దగ్గర పలు సినిమాలకు పనిచేసిన విజయ్ ఇప్పుడు ఈ సినిమాతో దర్శకుడిగా మారడు. మొదటి సినిమాతోనే అంచనాలు పెంచేసాడు.
* సతీష్ వేగేశ్న.. ఫ్యామిలీ ఎంటర్ టైనర్ సినిమాలను డైరెక్ట్ చేయడంలో సతీష్ వేగేశ్న దిట్ట. శతమానం భవతి సినిమాతో జాతీయ అవార్డు అందుకున్న దర్శకుడు సతీశ్ వేగేశ్న. ఇక ఈ సినిమాతో మొదటిసారిగా నిర్మాతగా మరి ఎస్వీ 2 ఎంటర్టైన్మెంట్ బ్యానర్పై ఈ సినిమాను నిర్మిస్తున్నాడు.
ఇంకా ఈ సినిమాలో హరీష్ ఉత్తమన్, ప్రవీణ్, ప్రియదర్శి ప్రధాన పాత్రల్లో నటిస్తున్నారు. శ్రీచరణ్ పాకాల ఈ సినిమాకు సంగీతం అందిస్తున్నాడు.కొన్నాళ్లుగా సరైన సక్సెస్ లేక ఇబ్బంది పడుతున్న అల్లరి నరేష్ నాంది అనే చిత్రంతో ఎలా అయిన హిట్ కొట్టాలని అనుకుంటున్నాడు. మరి చూద్దాం ఈ సినిమా ఎంత వరకూ సక్సెస్ అందిస్తుందో.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: