`ఆచార్య‌`.. రామ్ చ‌ర‌ణ్ క్యారెక్ట‌ర్ డిటైల్స్

మెగాస్టార్ చిరంజీవి క‌థానాయ‌కుడిగా న‌టిస్తున్న తాజా చిత్రం ‘ఆచార్య‌’. స‌క్సెస్‌ఫుల్ డైరెక్ట‌ర్ కొర‌టాల శివ తెర‌కెక్కిస్తున్న ఈ మెసేజ్ ఓరియెంటెడ్ మూవీని మెగాప‌వ‌ర్ స్టార్ రామ్ చ‌ర‌ణ్, నిరంజ‌న్ రెడ్డి సంయుక్తంగా నిర్మిస్తున్నారు. మెలోడి బ్ర‌హ్మ మ‌ణిశ‌ర్మ స్వ‌రాలు స‌మ‌కూరుస్తున్న ఈ సోష‌ల్ డ్రామాలో కాజ‌ల్ అగ‌ర్వాల్ హీరోయిన్‌గా న‌టించ‌నుంది. అంతేకాదు… ఈ సినిమాలో రామ్ చ‌ర‌ణ్ కూడా ఓ కీల‌క పాత్ర పోషించ‌బోతున్న‌ట్టు ప్ర‌చారం సాగుతోంది. కాగా, చ‌ర‌ణ్ పాత్ర‌కు సంబంధించి ఆస‌క్తిక‌ర‌మైన వార్త ఒక‌టి టాలీవుడ్ స‌ర్కిల్స్‌లో చ‌క్క‌ర్లు కొడుతోంది.

Alluda Majaka Telugu Movie Back 2 Back Comedy Scenes | Chiranjeevi | Brahmanandam | Ramya Krishna

15:40

అదేమిటంటే… ఈ సినిమాలో చ‌ర‌ణ్ క్యారెక్ట‌ర్‌ దాదాపు 30 నిమిషాలు పాటు ఉంటుంద‌ని స‌మాచారం. చ‌ర‌ణ్ మాజీ న‌క్స‌లైట్‌గా ద‌ర్శ‌న‌మివ్వ‌నున్నాడ‌ని… స‌మాజానికి మంచి చేసే ప్ర‌య‌త్నంలో ఆ పాత్ర చ‌నిపోతుంద‌ని… ఆ పాత్ర స్పూర్తితోనే చిరు పాత్ర తాలూకు గ‌మ‌నం కూడా ఉంటుంద‌ని వినికిడి. అలాగే, చ‌ర‌ణ్‌పై ఓ యాక్ష‌న్ ఎపిసోడ్‌ను కూడా చిత్రీక‌రించ‌నున్నార‌ని తెలుస్తోంది. అంతేకాదు.. చిరు, చ‌ర‌ణ్ క‌ల‌సి ఓ పాట‌లో స్టెప్స్ కూడా వేయ‌నున్నార‌ని… సినిమాకు అదే ప్రత్యేక ఆకర్షణగా నిలవనుందని టాక్. కాగా, ‘ఆర్ ఆర్ ఆర్’ చిత్రీక‌ర‌ణ‌ పూర్తి కాగానే చ‌ర‌ణ్.. ‘ఆచార్య’ షూటింగ్ లో పాల్గొంటాడ‌ని వినిపిస్తోంది. త్వ‌ర‌లోనే చ‌ర‌ణ్ ఎంట్రీపై అధికారిక ప్ర‌క‌ట‌న వ‌చ్చే అవ‌కాశ‌ముంది.

[subscribe]