తన కెరీర్ మొత్తమ్మీద యంగ్ టైగర్ యన్టీఆర్.. ఇప్పటివరకు ఐదు సంక్రాంతి రిలీజెస్ చూశాడు. ఆ చిత్రాలే.. `నాగ`(2003), `ఆంధ్రావాలా` (2004), `నా అల్లుడు` (2005), అదుర్స్ (2010), `నాన్నకు ప్రేమతో`(2016). వీటిలో చివరి రెండు సినిమాలు బాక్సాఫీస్ వద్ద వసూళ్ళ వర్షం కురిపించాయి. విశేషమేమిటంటే… ఈ రెండు మూవీస్ కూడా వేర్వేరు సంవత్సరాల్లో ఒకే తేదిన(జనవరి 13) విడుదలయ్యాయి.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
[custom_ad]
అంతేకాదు.. ఈ రెండు చిత్రాలకూ యువ సంగీత సంచలనం దేవిశ్రీ ప్రసాద్ బాణీలు అందిస్తే… యన్టీఆర్ పాటలు పాడడం విశేషం. `అదుర్స్`లో `వేర్ ఈజ్ దట్?` అంటూ `చారి` పాటని పాడిన తారక్.. `నాన్నకు ప్రేమతో`లో `ఫాలో ఫాలో` అంటూ సరికొత్త శైలిలో గానామృతం పంచాడు. కాగా, యన్టీఆర్ ద్విపాత్రాభినయంలో వచ్చిన `అదుర్స్`(వి.వి. వినాయక్ దర్శకుడు) నేటితో పదేళ్ళు పూర్తిచేసుకుంటుండగా.. కథానాయకుడిగా తారక్ 25వ చిత్రమైన `నాన్నకు ప్రేమతో`(సుకుమార్ దర్శకుడు) ఇవాళ్టితో నాలుగు వసంతాలను పూర్తిచేసుకుంటోంది. మరి.. భవిష్యత్ లో ఇదే తేదికి మరో సినిమాతో పలకరించి.. యన్టీఆర్ `డేట్` హ్యాట్రిక్ అందుకుంటాడేమో చూడాలి.
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: