మ‌ళ్ళీ ద‌స‌రాకే రానున్న చిరు?

ఈ ఏడాది ద‌స‌రా సీజ‌న్ లో `సైరా న‌ర‌సింహారెడ్డి` అంటూ ప‌ల‌క‌రించిన మెగాస్టార్ చిరంజీవి… వ‌చ్చే సంవ‌త్స‌రం కూడా విజ‌య‌ద‌శ‌మి బ‌రిలోనే వినోదాలు పంచ‌బోతున్నార‌ట‌.

ఆ వివ‌రాల్లోకి వెళితే… మెగాస్టార్ చిరంజీవి, స‌క్సెస్ ఫుల్ డైరెక్ట‌ర్ కొర‌టాల శివ కాంబినేష‌న్ లో ఓ సినిమా రాబోతున్న సంగ‌తి తెలిసిందే. మెసేజ్ ఓరియెంటెడ్ ఫిల్మ్ గా రూపొంద‌నున్న ఈ క్రేజీ ప్రాజెక్ట్… ద‌స‌రాకి పూజా కార్య‌క్ర‌మాలు జ‌రుపుకుంది. అయితే, రెగ్యుల‌ర్ షూటింగ్ మాత్రం ఇంకా స్టార్ట్ కాలేదు. తాజా స‌మాచారం ప్ర‌కారం… జ‌న‌వ‌రి నుంచి చిత్రీక‌ర‌ణ సాగుతుంద‌ని తెలిసింది. అయితే, చిత్రీక‌ర‌ణ – నిర్మాణానంత‌ర కార్య‌క్ర‌మాల‌కు 8 నెల‌ల వ‌ర‌కు స‌మ‌యం ప‌ట్టే అవ‌కాశం ఉండ‌డంతో… ద‌స‌రా సీజ‌న్ లో సినిమాని రిలీజ్ చేయాల‌ని యూనిట్ భావిస్తోంద‌ట‌. అదే గ‌నుక నిజ‌మైతే… `సైరా` త‌రువాత చిరు నుంచి వ‌చ్చే సినిమాకి మ‌రో ఏడాది స‌మ‌యం పడుతున్న‌ట్టే.

`చిరు 152`ని మెగాప‌వ‌ర్ స్టార్ రామ్ చ‌ర‌ణ్‌, నిరంజ‌న్ రెడ్డి నిర్మిస్తున్నారు.