`ప్రతి రోజూ పండగే`లో మారుతి తనయ
Director Maruthi Daughter Debue With Prathi Roju Pandage
`సుప్రీమ్` జోడి సాయితేజ్, రాశీఖన్నా మరోసారి జంటగా నటిస్తున్న చిత్రం `ప్రతి రోజూ పండగే`. కుటుంబ బంధాలు, మానవ విలువల నేపథ్యంలో దర్శకుడు మారుతి తెరకెక్కిస్తున్న ఈ ఫ్యామిలీ ఎంటర్టైనర్లో సత్యరాజ్, రావురమేష్ కీలక పాత్రలు పోషిస్తున్నారు. థమన్ సంగీతం అందిస్తున్న ఈ క్రేజీ ప్రాజెక్ట్ను మెగా ప్రొడ్యూసర్ అల్లు అరవింద్ సమర్పణలో జీఎ2 పిక్చర్స్, యూవీ క్రియేషన్స్ సంస్థలు సంయుక్తంగా నిర్మిస్తున్నాయి.
ఇదిలా ఉంటే... ఒక పాట మినహా చిత్రీకరణ పూర్తిచేసుకున్న ఈ సినిమాతో... దర్శకుడు మారుతి తనయ అభీష్ట తెరంగేట్రం చేయబోతోంది. ఇందులో రాశీఖన్నా ముగ్గురు చెల్లెళ్ళలో ఒకరిగా అభీష్ట కనిపించనుందని సమాచారం. మరి.. తన గారాల పట్టి అభీష్ట పాత్రను మారుతి ఎలా డిజైన్ చేసాడో చూడాలంటే... డిసెంబర్ 20 వరకు ఆగాల్సిందే.





