`ప్రభాస్ 20` కోసం రికార్డు స్థాయిలో రెట్రో సెట్స్
Massive Retro Sets Built For Prabhas 20 Movie Sets A New Record
యంగ్ రెబల్ స్టార్ ప్రభాస్ చాన్నాళ్ళ తరువాత ఓ ప్రేమకథా చిత్రంలో నటిస్తున్న సంగతి తెలిసిందే. 1970ల కాలం నాటి వాతావరణంతో తెరకెక్కుతున్న ఈ పిరియాడికల్ లవ్ స్టోరీ... ఇటలీ నేపథ్యంలో రూపొందుతోంది. పూజా హెగ్డే నాయికగా నటిస్తున్న ఈ క్రేజీ ప్రాజెక్ట్కి `జిల్` రాధాకృష్ణ దర్శకత్వం వహిస్తున్నాడు. ఇ
దిలా ఉంటే... ఆ మధ్య ఇటలీలో భారీ షెడ్యూల్ ని పూర్తిచేసుకున్న ఈ చిత్రం... ఈ నెల 18 నుంచి తదుపరి షెడ్యూల్ ని జరుపుకోంది. రామోజీ ఫిల్మ్ సిటీలో వేసిన ప్రత్యేక సెట్ లో ఈ షెడ్యూల్ జరుగుతుందని సమాచారం. కాగా... దాదాపు రూ.180 కోట్ల బడ్జెట్తో రూపొందుతున్న `ప్రభాస్ 20` కోసం... ఏకంగా 25 రెట్రో సెట్స్ డిజైన్ చేస్తున్నారట. వింటేజ్ ఇటలీని ప్రతిబింబిస్తూ తీర్చిదిద్దుతున్న ఈ సెట్స్ లోనే... ఈ సినిమాకి సంబంధించిన సింహభాగం చిత్రీకరణ జరుగుతుందని టాక్. మరి... రికార్డు స్థాయిలో ప్రొడక్షన్ డిజైన్ టీమ్ తీర్చిదిద్దుతున్న ఈ రెట్రో సెట్స్... చిత్రానికి ఏ స్థాయిలో ప్లస్ అవుతాయో తెలియాలంటే రిలీజ్ వరకు వేచిచూడాల్సిందే.
గోపీకృష్ణా మూవీస్, యూవీ క్రియేషన్స్ సంయుక్తంగా నిర్మిస్తున్న `ప్రభాస్ 20`... 2020 ద్వితీయార్ధంలో థియేటర్లలోకి రానుంది.





