కంటెంట్‌కు వెళ్లండి
తెలుగు ఫిల్మ్‌నగర్
వెనక్కి

డిసెంబర్ 20న కార్తి కొత్త చిత్రం?

డిసెంబర్ 20న కార్తి కొత్త చిత్రం?

Karthi New Movie To Hit Theatres On 20th December

దీపావ‌ళి కానుక‌గా విడుద‌లైన ‘ఖైదీ’తో మరో ఘ‌న‌విజయాన్ని తన ఖాతాలో వేసుకున్నాడు కార్తి. తమిళ‌, తెలుగు భాష‌ల్లో ఒకే రోజున‌ రిలీజైన‌ ఈ యాక్ష‌న్ థ్రిల్ల‌ర్ బాక్సాఫీస్ వ‌ద్ద‌ బ్లాక్‌బ‌స్ట‌ర్ అయింది. కాగా, ఒక‌వైపు `ఖైదీ` విజ‌యాన్ని ఆస్వాదిస్తూనే... మ‌రోవైపు త‌దుప‌రి చిత్రాన్ని పూర్తిచేసే ప‌నిలో ఉన్నాడు కార్తి. అంతేకాదు... ఫ్యామిలీ థ్రిల్లర్‌గా రానున్న ఈ సినిమా కూడా ఈ ఏడాదిలోనే తెర‌పైకి రానుందని స‌మాచారం.

ఆ వివరాల్లోకి వెళితే... మ‌ల‌యాళ చిత్రం `దృశ్యం`(2013)తో పాటు ఆ సినిమా త‌మిళ వెర్ష‌న్ `పాప‌నాశం`(2015)కి కూడా ద‌ర్శ‌క‌త్వం వ‌హించిన జీతూ జోస‌ఫ్ డైరెక్ష‌న్‌లో కార్తి ఓ సినిమా చేస్తున్న‌ సంగతి తెలిసిందే. ఫ్యామిలీ థ్రిల్లర్‌గా తెరకెక్కుతున్న‌ ఈ చిత్రానికి ‘తంబి’ (`త‌మ్ముడు` అని అర్థం) అనే టైటిల్‌ను పరిశీలిస్తున్నట్టు సమాచారం. అక్కాతమ్ముళ్ళ సెంటిమెంట్ నేపథ్యంలో రూపొందుతున్న‌ ఈ సినిమాలో కార్తికి అక్కగా టాలెంటెడ్ యాక్ట్ర‌స్‌ జ్యోతిక(రియ‌ల్ లైఫ్‌లో కార్తికి వ‌దిన‌) నటిస్తోంది. అలాగే... సత్యరాజ్, నిఖిలా విమల్, అమ్ము అభిరామి ఇతర ముఖ్య పాత్రలు పోషిస్తున్నారు. వయాకామ్ 18 స్టూడియోస్, పారలల్ మైండ్ సంస్థలు సంయుక్తంగా నిర్మిస్తున్న ఈ తమిళ చిత్రాన్ని... క్రిస్మస్ కానుకగా డిసెంబర్ 20న ప్రేక్షకుల ముందుకు తీసుకురావడానికి సన్నాహాలు జరుగుతున్నాయి. కాగా... తెలుగులోనూ `దొంగ‌` పేరుతో ఈ సినిమా అదే రోజున‌ అనువాదం కానుంద‌ని స‌మాచారం.

మ‌రి... `ఖైదీ`తో మ‌ళ్ళీ స‌క్సెస్‌ ట్రాక్‌లోకి వ‌చ్చేసిన కార్తి... కొత్త చిత్రంతోనూ ఆ ప‌రంప‌ర‌ని కొన‌సాగిస్తాడేమో చూడాలి.

వీడియోస్

సంబంధిత వార్తలు

అన్నీ
వాట్సాప్‌లో షేర్ చేయండి

షేర్