కంటెంట్‌కు వెళ్లండి
తెలుగు ఫిల్మ్‌నగర్
వెనక్కి

ఫ‌స్ట్ సింగిల్స్‌తో ఇంప్రెస్ చేస్తున్న థ‌మ‌న్‌

ఫ‌స్ట్ సింగిల్స్‌తో ఇంప్రెస్ చేస్తున్న థ‌మ‌న్‌

Thaman Creates Sensation With His First Singles

స‌రిగ్గా ప‌దేళ్ళ క్రితం తెలుగునాట `కిక్‌`ఇచ్చే ఓ కొత్త సౌండింగ్ ప‌రిచ‌య‌మైంది. `రేసుగుర్రం`లా దూసుకొచ్చి `దూకుడు` చూపించిన ఆ స్వ‌ర‌ప్ర‌స్థానం.. చూస్తుండ‌గ‌నే తొమ్మిదేళ్ళ‌కే శ‌త‌కం పూర్తిచేసి ఔరా అనిపించింది. ఉవ్వెత్తున ఎగసిప‌డిన ఆ స్వ‌ర‌త‌రంగమే... య‌స్.య‌స్. థ‌మ‌న్‌.

ఆ మ‌ధ్య వ‌రుస ప‌రాజ‌యాల‌తో కాస్త ట్రాక్ త‌ప్పిన‌ట్లు క‌నిపించిన థ‌మ‌న్... గ‌త రెండేళ్ళుగా వీనుల‌విందైన బాణీల‌తో వ‌రుస మ్యూజిక‌ల్ హిట్స్ అందుకుంటూ మ‌ళ్ళీ ఫామ్‌లోకి వ‌చ్చేశాడు. ఇక‌... నెలన్న‌ర‌ రోజుల గ్యాప్‌లో వ‌చ్చిన అత‌ని కొత్త చిత్రాల `ఫ‌స్ట్(బెస్ట్) సింగిల్స్` అయితే థ‌మ‌న్ స్థాయిని మ‌రింత పెంచేలా ఉన్నాయి. వీటిలో ముందుగా... `అల వైకుంఠ‌పురములో` నుంచి వచ్చిన ఫ‌స్ట్ సింగిల్ `సామ‌జ‌వ‌ర గ‌మ‌న‌` ఎంత‌టి సంచ‌ల‌న‌మో ప్ర‌త్యేకించి చెప్ప‌న‌క్క‌ర్లేదు. అంతేకాదు... `డిస్కో రాజా` నుంచి వ‌చ్చిన ఫ‌స్ట్ సింగిల్‌ `నువ్వు నాతో ఏమ‌న్నావో`తో పాటు `ప్ర‌తి రోజూ పండ‌గే` టైటిల్ సాంగ్‌, తాజాగా విడుద‌లైన `వెంకీమామ‌` టైటిల్ ట్రాక్ వ‌ర‌కు థ‌మ‌న్ రీ-ఫ్రెషింగ్ ట్యూన్స్‌తో భ‌లేగా ఇంప్రెస్ చేశాడు. అంతేకాదు... ఆ యా చిత్రాల ఫుల్ ఆల్బ‌మ్స్ కోసం వేచిచూసేలా చేయ‌డ‌మే కాకుండా... సినిమాల‌పై ఆస‌క్తిని పెంచేశాడు.

మ‌రి... నెల రోజుల గ్యాప్‌లో రానున్న ఈ నాలుగు సినిమాల‌తో థ‌మ‌న్ వ‌రుస విజ‌యాలు అందుకుంటాడేమో చూడాలి.

వీడియోస్

సంబంధిత వార్తలు

అన్నీ
వాట్సాప్‌లో షేర్ చేయండి

షేర్