చిరంజీవి సినిమాల తేదీల‌ను టార్గెట్ చేసిన హ‌రీష్ శంక‌ర్‌

`షాక్‌`(2006)తో ద‌ర్శ‌కుడిగా తొలి అడుగులు వేసిన హ‌రీష్ శంక‌ర్‌… `మిర‌ప‌కాయ్‌` (2011)తో మొద‌టి విజ‌యాన్ని అందుకున్నాడు. అయితే… ప‌వ‌ర్ స్టార్ ప‌వ‌న్ క‌ళ్యాణ్‌తో రూపొందించిన `గ‌బ్బ‌ర్ సింగ్‌` (2012)తోనే బ్లాక్‌బ‌స్ట‌ర్ హిట్‌ని సొంతం చేసుకున్నాడు. క‌ట్ చేస్తే… ఇప్పుడు వ‌రుస‌గా మెగా కాంపౌండ్ హీరోల‌తో సినిమాలు చేస్తూ ప‌రిశ్ర‌మ దృష్టిని ఆక‌ర్షిస్తున్నాడు హ‌రీష్‌. ఆ మ‌ధ్య‌ సాయితేజ్‌తో `సుబ్ర‌మ‌ణ్యం ఫ‌ర్ సేల్‌` (2015), అల్లు అర్జున్‌తో `డీజే` (2017) రూపొందించిన హ‌రీష్‌… ప్ర‌స్తుతం వ‌రుణ్ తేజ్‌తో `వాల్మీకి` తెర‌కెక్కిస్తున్నాడు. సెప్టెంబ‌ర్ 20న ఈ సినిమా తెర‌పైకి రానుంది.

ఆస‌క్తిక‌ర‌మైన విష‌య‌మేమిటంటే… గ‌తంలో మెగా హీరో సాయితేజ్‌తో హ‌రీష్ రూపొందించిన‌ `సుబ్ర‌మ‌ణ్యం ఫ‌ర్ సేల్‌`… మెగాస్టార్ చిరంజీవి బ్లాక్ బ‌స్ట‌ర్ మూవీ `ఠాగూర్‌`(2003) రిలీజ్ డేట్‌ (సెప్టెంబ‌ర్ 24)కి విడుద‌లై మంచి విజ‌యం సాధించింది. క‌ట్ చేస్తే… ఇప్పుడు మ‌రో మెగా హీరో వ‌రుణ్ తేజ్‌తో హ‌రీష్ తెర‌కెక్కిస్తున్న‌ `వాల్మీకి` కూడా చిరు న‌టించిన హిట్ మూవీ `స్టాలిన్‌`(2006) విడుద‌లైన తేదిన‌ (సెప్టెంబ‌ర్ 20) రాబోతోంది.

మ‌రి… ‘ఠాగూర్’ విడుద‌ల తేదీ సాయితేజ్‌కు క‌లిసొచ్చిన‌ట్టుగానే… ‘స్టాలిన్’ రిలీజ్ డేట్ వ‌రుణ్‌కు కూడా అచ్చొస్తుందేమో చూద్దాం.

Chiranjeevi Back 2 back Comedy Scenes | Chiranjeevi BEST Comedy Scenes | Telugu FilmNagar

23:22