గత కొంత‌కాలంగా యూట్యూబ్ వేదికగా హిందీలోకి అనువదింపబడుతున్న పలు తెలుగు చిత్రాలు సంచలనాలు సృష్టిస్తున్నాయి. వాటిలో సింహభాగం యాక్షన్ మూవీస్‌దే హ‌వా కాగా… ఇప్పుడు అందుకు భిన్నంగా ఓ కామెడీ ఎంటర్‌టైనర్ సెన్సేష‌న్ సృష్టిస్తోంది. ఆ చిత్రమే విక్టరీ వెంకటేష్, మెగా ప్రిన్స్ వరుణ్ తేజ్ హీరోలుగా నటించిన ‘ఎఫ్ 2’. టాలీవుడ్ సక్సెస్ఫుల్ ప్రొడ్యూసర్ ‘దిల్’ రాజు నిర్మాణంలో రూపొందిన ఈ ఫ్యామిలీ ఎంటర్‌టైనర్‌లో మిల్కీ బ్యూటీ తమన్నా, పంజాబీ భామ మెహరీన్ కథానాయికలుగా నటించారు. ఈ ఏడాది సంక్రాంతికి పలు భారీ చిత్రాల నడుమ విడుదలై ఘన విజయం సాధించిన ఈ హిలేరియ‌స్‌ ఎంటర్‌టైనర్‌ను సక్సెస్ఫుల్ డైరెక్ట‌ర్‌ అనిల్ రావిపూడి తెరకెక్కించాడు.
కాగా… గత ఆదివారం అంటే జూలై 14న ఈ సినిమా హిందీ వెర్షన్‌ను యూట్యూబ్‌లోకి అప్‌లోడ్ చేయ‌గా… కేవలం 5 రోజుల్లోనే `ఎఫ్ 2` హిందీ వెర్ష‌న్‌ 24 మిలియన్ వ్యూస్‌ను ద‌క్కించుకోవ‌డం విశేషం. టాలీవుడ్ బాక్సాఫీస్ వద్ద దాదాపు రూ.84 కోట్ల షేర్‌ను రాబ‌ట్టిన ఈ చిత్రం… ఇప్పుడు యూట్యూబ్ వేదికగా ఇంకెన్ని సంచలనాలు సృష్టించనుందో చూడాలి.
[subscribe]
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
Subscribe to our Youtube Channel Telugu Filmnagarfor the latest Tollywood updates.
Download the My Mango Appfor more amazing videos from the Tollywood industry.
