స్టైలిష్ స్టార్ అల్లు అర్జున్, స్టన్నింగ్ బ్యూటీ పూజా హెగ్డే హీరోహీరోయిన్లుగా ఏస్ ఫిల్మ్ మేకర్ త్రివిక్రమ్ శ్రీనివాస్ ఓ ఫ్యామిలీ ఎంటర్టైనర్ ని తెరకెక్కిస్తున్న సంగతి తెలిసిందే. టబు, రాజేంద్రప్రసాద్, నవదీప్, సునీల్ ముఖ్య పాత్రల్లో నటిస్తున్న ఈ సినిమాలో సుశాంత్, నివేదా పేతురాజ్ కీలక భూమికలు పోషిస్తున్నారు. ప్రస్తుతం శరవేగంగా చిత్రీకరణ జరుపుకుంటున్న ఈ క్రేజీ ప్రాజెక్ట్… 2020 సంక్రాంతికి రిలీజ్ కానుంది. ఇదిలా ఉంటే… ఈ సినిమాకి సంబంధించి ఓ ఆసక్తికరమైన విషయం తెలిసింది. అదేమిటంటే… ఈ చిత్రం `కుండ మార్పిడి పెళ్ళి` కాన్సెప్ట్తో తెరకెక్కుతోందట. వినిపిస్తున్న కథనాల ప్రకారం… బన్నీ చెల్లెలుగా నివేదా నటిస్తుంటే… పూజకి అన్నగా సుశాంత్ కనిపిస్తాడట. ఈ నేపథ్యంలో… బన్నీ – పూజ, సుశాంత్ – నివేద మధ్య సాగే లవ్ ట్రాక్స్ సినిమాకి ప్రత్యేక ఆకర్షణగా నిలుస్తాయని సమాచారం. మరి… ఈ కథనాల్లో ఎంత నిజముందో త్వరలోనే తెలుస్తుంది. గీతా ఆర్ట్స్, హారికా అండ్ హాసిని క్రియేషన్స్ సంస్థలు సంయుక్తంగా నిర్మిస్తున్న ఈ చిత్రానికి థమన్ సంగీతమందిస్తున్నాడు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
[subscribe]
[youtube_video videoid=fCi_c7tZnC0]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: