బెల్లంకొండ – అజ‌య్ భూప‌తి సినిమాకి ముహుర్తం కుదిరిందా?

`ఆర్ ఎక్స్ 100` వంటి సంచ‌ల‌న చిత్రంతో ద‌ర్శ‌కుడిగా తొలి అడుగులు వేశాడు అజ‌య్ భూప‌తి. మొద‌టి సినిమాతోనే విమ‌ర్శ‌కుల ప్ర‌శంస‌ల‌తో పాటు ఘ‌న‌విజ‌యాన్ని కూడా త‌న ఖాతాలో న‌మోదు చేసుకున్నాడు ఈ యంగ్ డైరెక్ట‌ర్‌. ప్ర‌స్తుతం త‌న రెండో సినిమాని ప‌ట్టాలెక్కించే ప‌నిలో ఉన్నాడు అజ‌య్‌. తొలి చిత్రం త‌ర‌హాలోనే త‌న మ‌లి సినిమాని కూడా రా స‌బ్జెక్ట్‌తోనే తెర‌కెక్కిస్తున్నాడ‌ని టాలీవుడ్ టాక్‌.

అంతేకాదు… మ‌ల్టీస్టార‌ర్ మూవీగా రూపొంద‌నున్న ఈ సినిమాలో ఇద్ద‌రు క‌థానాయ‌కుల‌కు స్థాన‌ముంద‌ని… అందులో ఒక‌రిగా యువ క‌థానాయ‌కుడు బెల్లంకొండ సాయిశ్రీ‌నివాస్ న‌టిస్తాడ‌ని… మ‌రో క‌థానాయ‌కుడి పాత్ర కోసం అన్వేష‌ణ సాగుతోంద‌ని స‌మాచారం. కాగా… ఈ సినిమాని మే నెల‌లో ప్రారంభించేందుకు స‌న్నాహాలు జ‌రుగుతున్నాయ‌ని తెలిసింది. `మ‌హాస‌ముద్రం` అనే టైటిల్ ప‌రిశీల‌నలో ఉన్న ఈ సినిమాకి సంబంధించిన పూర్తి వివ‌రాలు త్వ‌ర‌లోనే వెల్ల‌డి కానున్నాయి.