విజ‌య్ చిత్రానికి టైటిల్ ఫిక్స‌య్యిందా?

`తుపాకి`, `అదిరింది`, `స‌ర్కార్‌` వంటి అనువాద చిత్రాల‌తో తెలుగువారికి చేరువైన‌ కోలీవుడ్ స్టార్ హీరో విజ‌య్‌. ప్ర‌స్తుతం… విజ‌య్ మ‌రో భారీ బ‌డ్జెట్ చిత్రంలో న‌టిస్తూ బిజీగా ఉన్నాడు. న‌య‌న‌తార క‌థానాయిక‌గా న‌టిస్తున్న ఈ సినిమాని `రాజా రాణి`, `అదిరింది` ఫేమ్ అట్లీ రూపొందిస్తున్నాడు. స్పోర్ట్స్ డ్రామాగా తెర‌కెక్కుతున్న ఈ చిత్రంలో… విజ‌య్ మ‌హిళల ఫుట్ బాల్ కోచ్‌గా క‌నిపించ‌నున్నాడు.

ఇదిలా ఉంటే… ఈ సినిమాకి `మైఖేల్‌` అనే టైటిల్‌ని ఫిక్స్ చేసినట్లు త‌మిళ‌నాట క‌థ‌నాలు వినిపిస్తున్నాయి. తెలుగులోనూ అదే పేరుని టైటిల్ గా నిర్ణ‌యించే అవ‌కాశ‌ముంద‌ని స‌మాచారం. మ‌న దేశంలో క్రీడా వ్య‌వ‌స్థ‌లోని లోపాలు, ప్ర‌తిభ ఉన్న క్రీడాకారుల‌కు జ‌రుగుతున్న అన్యాయం, బంధుప్రీతి… ఇత్యాది అంశాల‌ను స్పృశిస్తూ ఈ సినిమా తెర‌కెక్కుతోంద‌ని కోలీవుడ్ టాక్‌. దీపావ‌ళి కానుక‌గా రానున్న ఈ క్రేజీ ప్రాజెక్ట్‌కి `డ‌బుల్ ఆస్కార్ అవార్డ్` విన్న‌ర్ ఎ.ఆర్‌.రెహ‌మాన్ సంగీత‌మందిస్తున్నాడు.