ఏడాదికో విజయంతో దూసుకుపోతున్న సమంత

తెలుగునాట మోస్ట్ సక్సెస్ ఫుల్ హీరోయిన్ అనిపించుకుంది సమంత. తొలి చిత్రం ‘ఏ మాయ చేసావే’ మొదలు తాజా చిత్రం ‘మజిలీ’ వరకు సమంత పట్టిందల్లా బంగారమే. ఈ తరంలో ఈ స్థాయి విజయాలు అందుకున్న కథానాయక మరొకరు లేరంటే అతిశయోక్తి కాదు. అంతేకాదు… ప్రతి ఏడాది ఈ టాలెంటెడ్ బ్యూటీ ఖాతాలో కనీసం ఒక విజయవంతమైన చిత్రం అయినా ఉండటం విశేషం.

ఆ వివరాల్లోకి వెళితే… 2010లో హీరోయిన్ గా కెరీర్ మొదలు పెట్టిన సమంత… ఇప్పటివరకు ప్రతి సంవత్సరం కనీసం ఒక విజయాన్ని తన ఖాతాలో వేసుకుంది. ‘ఏ మాయ చేసావే’ (2010), ‘దూకుడు’ (2011), ‘ఈగ’ (2012), ‘సీతమ్మ వాకిట్లో సిరిమల్లె చెట్టు’, ‘అత్తారింటికి దారేది’ (2013), ‘మనం’ (2014), ‘సన్నాఫ్ సత్యమూర్తి’ (2015), ‘అ ఆ’ (2016), ‘రాజు గారి గది 2’, ‘అదిరింది’ (2017), ‘రంగస్థలం’, ‘మహానటి’, ‘అభిమన్యుడు’ (2018), ‘మజిలీ’ (2019)… ఇలా సమంత జైత్రయాత్ర ప్రతి ఏడాది కొనసాగుతూనే ఉంది. మరి రాబోయే చిత్రాలతోనూ సామ్ ఇదే హవా కొనసాగిస్తోందేమో చూడాలి.