టాలీవుడ్ స్టార్ కొరియోగ్రాఫర్ శేఖర్ మాస్టర్ రోడ్డు ప్రమాదానికి గురయ్యారు. మెగాస్టార్ చిరంజీవి కథానాయకుడిగా నటిస్తున్న ప్రతిష్ఠాత్మక చిత్రం ‘కాకా’ లోని ఒక స్పెషల్ మాస్ సాంగ్ షూటింగ్ ముగించుకుని తిరిగి వస్తుండగా ఆయన ప్రయాణిస్తున్న కారుకు ఈ ప్రమాదం చోటుచేసుకుంది. నవంబర్ 11వ తేదీ అర్ధరాత్రి దాటిన తర్వాత (తెల్లవారుజామున) హైదరాబాద్ శివార్లలోని శంషాబాద్ ముచ్చింతల్ సమీపంలో ఈ ఘటన జరిగింది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
వివరాల్లోకి వెళితే, సాంగ్ చిత్రీకరణ పూర్తి చేసుకుని శేఖర్ మాస్టర్ తన సిబ్బందితో కలిసి కారులో ఇంటికి బయలుదేరారు. శంషాబాద్ వద్దకు రాగానే పండ్ల లోడ్‌తో అతి వేగంగా వచ్చిన ఒక లారీ అదుపు తప్పి శేఖర్ మాస్టర్ ప్రయాణిస్తున్న కారును వెనుక నుంచి బలంగా ఢీకొట్టింది. ఢీకొట్టిన తీవ్రతకు ఆ లారీ కారు వెనుక భాగంపై ఒరిగిపోగా, కారు వెనుక భాగం పూర్తిగా నుజ్జునుజ్జయింది.
అయితే ఆ సమయంలో ఎదురుగా ఇతర వాహనాలేవీ రాకపోవడం, ప్రమాద సమయంలో కారులోని ఎయిర్ బ్యాగ్స్ సమయానికి తెరుచుకోవడంతో పెను ప్రాణ నష్టం తప్పింది. ఈ ప్రమాదంలో శేఖర్ మాస్టర్‌కు స్వల్ప గాయాలు మాత్రమే కాగా, కారులో ఉన్న మిగతా వారంతా క్షేమంగా బయటపడ్డారు. సమాచారం అందుకున్న స్థానిక పోలీసులు వెంటనే ఘటనా స్థలానికి చేరుకుని ప్రమాదానికి కారణమైన లారీ డ్రైవర్ నిర్లక్ష్యంపై కేసు నమోదు చేసి దర్యాప్తు చేపట్టారు.
ప్రమాద తీవ్రతను చూస్తే ఎంతో భీతావహంగా ఉన్నప్పటికీ, శేఖర్ మాస్టర్ ఎలాంటి ప్రాణాపాయం లేకుండా సురక్షితంగా బయటపడటంతో కుటుంబ సభ్యులు, మెగాస్టార్ చిత్రబృందం, సినీ పరిశ్రమ ప్రముఖులు మరియు అభిమానులు ఊపిరి పీల్చుకున్నారు. ప్రస్తుతం ఆయన ఆరోగ్య పరిస్థితి పూర్తిగా నిలకడగా ఉందని, అభిమానులు ఎవరూ ఆందోళన చెందాల్సిన అవసరం లేదని సన్నిహిత వర్గాలు వెల్లడించాయి.
ఆన్‌లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్ద్ ఫిలిమ్స్
x
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
