నటీనటులు ; సంతోష్ శోభన్ , మానస వారణాసి,రాజీవ్ కనకాల ,యోగి బాబు
సినిమాటోగ్రఫీ : దినేష్ పురుషోత్తమన్
ఎడిటింగ్ : గణేష్ శివ
సంగీతం : ఆదిత్య రవీంద్రన్
దర్శకత్వం : అశ్విన్ చంద్రశేఖర్
నిర్మాత : అజయ్ కుమార్ రాజు
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
సంతోష్ శోభన్, మానస వారణాసి జంటగా నటించిన ‘కపుల్ ఫ్రెండ్లీ’ చిత్రం నేడు వాలెంటైన్స్ డే సందర్భంగా ప్రేక్షకుల ముందుకు వచ్చింది. ప్రమోషనల్ కంటెంట్ సినిమాపై అంచనాలను పెంచేసింది.మరి అశ్విన్ చంద్రశేఖర్ దర్శకత్వంలో ఒక హృద్యమైన రొమాంటిక్ డ్రామాగా రూపొందిన ఈసినిమా ఎలా వుంది ? సంతోష్ శోభన్ కు ఈసినిమాయినా హిట్ ఇచ్చిందో లేదో తెలుసుకుందాం.
కథ :
చెన్నైలో ఇంటీరియర్ డిజైనర్గా స్థిరపడాలని పోరాడుతున్న శివ (సంతోష్ శోభన్), సాఫ్ట్వేర్ ఉద్యోగం కోసం ప్రయత్నిస్తున్న మిత్ర (మానస వారణాసి) అనుకోని పరిస్థితుల్లో ఒకే గదిని పంచుకోవాల్సి వస్తుంది. ఒకరికొకరు తోడుగా నిలుస్తూ, వారి మధ్య చిగురించిన స్నేహం ప్రేమగా ఎలా మారింది? వారి రిలేషన్ గురించి ఇంట్లో తెలిసినప్పుడు ఎదురైన పరిణామాలు ఏమిటి? అనేదే ఈ చిత్ర కథ.
విశ్లేషణ :
దర్శకుడు అశ్విన్ చంద్రశేఖర్ ఈ సినిమాలో ‘లివ్-ఇన్’ రిలేషన్షిప్ను కేవలం గ్లామరైజ్ చేయకుండా, అందులోని బాధ్యతలను, ఇబ్బందులను చాలా నిజాయితీగా చూపించారు. శివ, మిత్ర పాత్రల ద్వారా మధ్యతరగతి యువత కలలు, ఉద్యోగ వేటలో పడే పాట్లు మరియు ఒకరికొకరు ఇచ్చే మానసిక మద్దతును హృద్యంగా ఆవిష్కరించారు. సినిమాలో ఎక్కడా నాటకీయత మితిమీరకుండా, సంభాషణలు చాలా సహజంగా ఉండటం ఈ చిత్రానికి అతిపెద్ద ప్లస్ పాయింట్.
ప్రధమార్ధం :
సినిమా ఫస్టాఫ్ చాలా ఆహ్లాదకరంగా, ప్లెజెంట్గా సాగుతుంది. నేటి తరం యువత ఆలోచనలకు అద్దం పట్టేలా సన్నివేశాలను మలిచారు. ముఖ్యంగా సంతోష్, మానసల మధ్య వచ్చే సీన్స్, వారి పరిచయం, స్నేహం చాలా సహజంగా ఉంటాయి. బైక్ టాక్సీ నేపథ్యంలో సాగే కొన్ని సన్నివేశాలు నవ్విస్తాయి. ఫస్టాఫ్ ముగిసే సమయానికి కథ ఒక కీలక మలుపు తీసుకుని, సెకండాఫ్ పై ఆసక్తిని కలిగిస్తుంది.
ద్వితీయార్ధం :
సెకండాఫ్ కథలో ఎమోషనల్ డోస్ పెరుగుతుంది. ప్రేమకథ నుండి కుటుంబ భావోద్వేగాల వైపు కథ మళ్లుతుంది. ముఖ్యంగా తండ్రి-కూతురు మధ్య వచ్చే సన్నివేశాలు, బాధ్యత గురించి చెప్పే డైలాగులు హృదయానికి హత్తుకుంటాయి. క్లైమాక్స్ ఊహించని విధంగా ఉండి, ప్రేక్షకులను కొంత బరువుగా బయటకు పంపుతుంది.
నటీనటులు పెర్ఫామెన్స్ :
సంతోష్ శోభన్ తన కెరీర్లో మరోసారి ‘బాయ్ నెక్స్ట్ డోర్’ పాత్రలో ఒదిగిపోయారు. ఆయన కామెడీ టైమింగ్తో పాటు, ఎమోషనల్ సీన్స్లో పలికించే హావభావాలు ప్రేక్షకులను కనెక్ట్ చేస్తాయి. ఇక మానస వారణాసికి చాలా కష్టమైన పాత్రను ఎంచుకున్నారు. ఆత్మవిశ్వాసం కలిగిన అమ్మాయిగా, అదే సమయంలో తన కుటుంబం పట్ల బాధ్యత కలిగిన కూతురిగా ఆమె నటనలో వైవిధ్యం చూపారు. వీరిద్దరి మధ్య సాగే సంభాషణలు, మౌనంగా ఉండే సన్నివేశాలు కూడా చాలా అర్థవంతంగా అనిపిస్తాయి. వీరిద్దరి మధ్య కెమిస్ట్రీ సినిమాకు ప్రధాన బలం. సంతోష్ తనదైన నేచురల్ యాక్టింగ్తో ఆకట్టుకోగా, మానస తన తొలి సినిమాతోనే పరిణతి చెందిన నటనను కనబరిచారు.మిగితా నటీనటులు కూడా తమ పాత్రలకు న్యాయం చేశారు.
సాంకేతిక విభాగం :
దినేష్ పురుషోత్తం చెన్నై సిటీని, విజువల్స్ను చాలా రియలిస్టిక్గా చూపించారు.ఈ సినిమా విజువల్స్ చాలా ప్లెజెంట్గా ఉంటాయి. ముఖ్యంగా లైటింగ్ మరియు ఫ్రేమింగ్ సినిమాకు ఒక ‘క్లాస్’ లుక్ ఇచ్చాయి. సంగీతం విషయానికి వస్తే, పాటలు కథలో అంతర్భాగంగా సాగుతాయి తప్ప, బలవంతంగా ఇరికించినట్లు అనిపించవు.ఆదిత్య రవిచంద్రన్ అందించిన పాటలు మరియు బ్యాక్గ్రౌండ్ స్కోర్ సినిమా మూడ్ను చక్కగా ఎలివేట్ చేశాయి. ఎడిటింగ్ కూడా చాలా క్రిస్పీగా ఉండటం వల్ల ఎక్కడా ల్యాగ్ అనిపించదు. దర్శకుడు ఎంచుకున్న నేపధ్యం (చెన్నై బ్యాక్డ్రాప్) కథకు ఒక కొత్తదనాన్ని ఇచ్చింది. నేటి తరం రిలేషన్షిప్స్ గురించి మరియు జీవిత బాధ్యతల గురించి రాసిన సంభాషణలు ఆకట్టుకుంటాయి.
మొత్తానికి, ‘కపుల్ ఫ్రెండ్లీ’ ఒక నిజాయితీతో కూడిన ప్రేమకథ. వాలెంటైన్స్ డే నాడు ఒక ఫీల్ గుడ్ ఎమోషనల్ మూవీ చూడాలనుకునే లవర్స్ కి అలాగే యువతకు ఈ సినిమా ఒక మంచి ఆప్షన్ అని చెప్పొచ్చు.ఇక చాలా రోజుల తరువాత సంతోష్ శోభన్ కపుల్ ఫ్రెండ్లీ తో విజయాన్ని అందుకున్నాడు.
ఆన్లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్ద్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
