యంగ్ టైగర్ ఎన్టీఆర్ టైటిల్ పాత్రలో నటిస్తోన్న మోస్ట్ అవైటెడ్ మూవీ ‘దేవర’. కొరటాల శివ దర్శకత్వంలో తెరకెక్కుతోన్న ఈ చిత్రం విడుదలకు ముందే ప్రపంచ వ్యాప్తంగా సంచలనాలను సృష్టిస్తోంది. బాలీవుడ్ బ్యూటీ జాన్వీ కపూర్ కథానాయికగా నటిస్తుండగా.. మరో బాలీవుడ్ స్టార్ సైఫ్ అలీఖాన్ కీలక పాత్రలో నటిస్తున్నారు. ప్రకాష్ రాజ్, శ్రీకాంత్, షైన్ టామ్ చాకో, నరైన్ తదితరులు ఇతర పాత్రల్లో కనిపించనున్నారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇప్పటికే ఈ మూవీ నుంచి రిలీజైన ప్రమోషనల్ కంటెంట్ సూపర్ రెస్పాన్స్ అందుకుంటోంది. ఫస్ట్ సింగిల్ ‘ఫియర్ సాంగ్’ మరియు సెకండ్ సింగిల్ ‘చుట్టమల్లె..’ యూట్యూబ్లో సెన్సేషన్ క్రియేట్ చేశాయి. ఇక దేవరలో తారక్ డ్యూయెల్ రోల్ చేస్తున్నట్టు మేకర్స్ తాజాగా ప్రకటించడంతో అంచనాలు మరింతగా పెరిగిపోయాయి.
ఈ నేపథ్యంలో తాజాగా దేవర నుంచి మూడో పాటను రిలీజ్ చేశారు మేకర్స్. అయితే, ఫుల్ వీడియో సాంగ్ను రిలీజ్ చేయడం విశేషం. గేయ రచయిత రామజోగయ్య శాస్త్రి ఇప్పటికే ఈ థర్డ్ సింగిల్ను ఉద్దేశించి ‘ఎప్పుడొచ్చినా భీభత్సమే, పక్కా. ఈ ఆల్బమ్ వేరే లెవెల్ అంతే’ అని ఓ రేంజ్లో చెప్పిన విషయం గుర్తుండేవుంటుంది. అందుకు తగ్గట్టే ఈ సాంగ్ అద్భుతంగా ఉంది.
అనిరుధ్ ట్యూన్స్కు ఎన్టీఆర్, జాన్వీ కపూర్ అదిరిపోయే స్టెప్స్ వేశారు. వారి మధ్య కెమిస్ట్రీ చూడచక్కగా అనిపిస్తుంది. తెలుగు, హిందీ, కన్నడ భాషల్లో ఆలపించారు. నకష్ అజీజ్, రమ్యా బెహ్రా తమిళ, మలయాళంలో పాటను పాడారు. శేఖర్ మాస్టర్ నృత్య రీతులను సమకూర్చిన ఈ పాటను తెలుగు సహా కన్నడ, తమిళం, మలయాళం మరియు హిందీ భాషల్లో రిలీజ్ చేశారు. తారక్ అభిమానులు ఆశించినట్టు ఈ సాంగ్ సినిమాలో స్పెషల్ అట్రాక్షన్ కానుంది.
ఇక ఈ మూవీ కోసం టాప్ టెక్నిషియన్స్ పనిచేస్తున్నారు. మ్యూజిక్ సెన్సేషన్ అనిరుధ్ రవిచందర్ సంగీత సారథ్యం వహిస్తున్నాడు. శ్రీకర్ ప్రసాద్ ఎడిటర్గా, ఆర్. రత్నవేలు సినిమాటోగ్రాఫర్గా, సాబు సిరిల్ ప్రొడక్షన్ డిజైనర్గా వర్క్ చేస్తున్నారు. కాగా దేవర వరల్డ్వైడ్ డిస్టిబ్యూషన్ రైట్స్ ‘హంసిని ఎంటర్టైన్మెంట్’ సంస్థ దక్కించుకుంది. ఇప్పటికే సినిమాపై అంచనాలు తారాస్థాయిలో ఉన్న క్రమంలో దేవరను హంసిని ఎంటర్టైన్మెంట్ ప్రపంచవ్యాప్తంగా రిలీజ్ చేయనుండటం ఆసక్తి కలిగిస్తోంది.
నందమూరి కళ్యాణ్ రామ్ సమర్పణలో భారీ అంచనాలతో ఎన్టీఆర్ ఆర్ట్స్, యువసుధ ఆర్ట్స్ పతాకాలపై మిక్కిలినేని సుధాకర్, హరికృష్ణ.కె సినిమాను అన్కాంప్రమైజ్డ్గా నిర్మిస్తున్నారు. కాగా హై యాక్షన్ ఎంటర్టైనర్గా తెరకెక్కుతోన్న ‘దేవర’ను రెండు భాగాలుగా రూపొందిస్తుండగా.. ‘దేవర: పార్ట్ 1’ను తెలుగు, తమిళ, హిందీ, కన్నడ, మలయాళ భాషల్లో సెప్టెంబర్ 27న వరల్డ్ వైడ్ భారీ ఎత్తున రిలీజ్ చేయనున్నారు.
ఆన్ లైన్ లో మూవీస్ ని వీక్షించేందుకు కింద ఉన్న లింక్స్ ని క్లిక్ చేసి వినోదాన్ని పొందగలరు : 👇
తెలుగు తమిళ్ కన్నడ మలయాళం డబ్బేడ్ ఫిలిమ్స్
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
