వినరో భాగ్యము విష్ణుకథ టీజర్ రిలీజ్ డేట్ ఫిక్స్
Vinaro Bhagyamu Vishnu Katha movie teaser release date fixed

టాలీవుడ్ యంగ్ హీరో కిరణ్ అబ్బవరం జయాపజయాలను పట్టించుకోకుండా వరుసగా సినిమాలు చేసుకుంటూ వెళుతున్నాడు. ఇటీవలే కిరణ్ అబ్బవరం నేను మీకు బాగా కావాల్సినవాడిని సినిమాతో ప్రేక్షకుల ముందుకొచ్చాడు. అయితే బాక్సాఫీస్ వద్ద ఈ సినిమా ఆశించినంత విజయాన్ని అయితే అందించలేకపోయింది. ఇక ఇప్పుడు వినరో భాగ్యము విష్ణుకథతో ఎలాగైనా హిట్టు కొట్టాలని చూస్తున్నాడు. మురళీ కిషోర్ అబ్బురూ దర్శకత్వంలో విలేజ్ బ్యాక్ డ్రాప్ లో ఈసినిమా రాబోతుంది. ఇక ఈసినిమా రిలీజ్ డేట్ ను ఇటీవలే ఫిక్స్ చేశారు. ఫిబ్రవరి 17వ తేదీన ఈసినిమాను రిలీజ్ చేయనున్నారు.
ఇక మరోవైపు చిత్రయూనిట్ పోస్ట్ ప్రొడక్షన్ పనులు పూర్తిచేసుకుంటూనే ఇంకోవైపు ప్రమోషన్ కార్యక్రమాలు కూడా మొదలుపెట్టేశారు. ఇప్పటికే పలు పోస్టర్లు రిలీజ్ చేయగా వాటికి మంచి రెస్పాన్సే వచ్చింది. ఇక ఇప్పుడు టీజర్ రిలీజ్ కు ప్లాన్ చేస్తున్నారు. ఈనేపథ్యంలోనే తాజాగా టీజర్ అప్ డేట్ ను ఇచ్చారు మేకర్స్. ఈసినిమా టీజర్ ను జనవరి 9వ తేదీన ఉదయం 10 గంటల 15 నిమిషాలకు రిలీజ్ చేస్తున్నట్టు అధికారికంగా ప్రకటించారు.

కాగా ఈసినిమాలో కశ్మీర హీరోయిన్ గా నటిస్తుంది. అల్లు అరవింద్ సమర్పణలో గీతా ఆర్ట్స్ 2 బ్యానర్ లో అల్లు అరవింద్ సమర్పణలో ఈసినిమాను నిర్మిస్తున్నారు. అలాగే చైతన్ భరద్వాజ్ సంగీతం, సినిమాటోగ్రఫీ విశ్వాస్ డేనియల్ అందిస్తున్నాడు.







