‘బజార్ రౌడి’ ట్రైలర్ రిలీజ్

స్టార్ హీరోల సినిమాలంటే చూడటానికి ప్రేక్షకులు ఎప్పుడూ ముందుంటారు. అయితే కాస్త డిఫరెంట్ గా ఉండే సినిమాలను కూడా- ప్రేక్షకులు ఎప్పుడూ ఆదరిస్తూనే ఉంటారు. అలాంటి కోవకు చెందినవే బర్నింగ్ స్టార్ సంపూర్ణేష్ బాబు సినిమాలు. కమర్షియల్ సినిమాల్లో ఉన్నట్టే.. తన సినిమాల్లో కూడా యాక్షన్ సీన్స్, పాటలు అన్ని ఉంటాయి. అయితే అవి కామెడీగా ఉన్నా అవే ప్రేక్షకులకు నచ్చుతాయి. అందుకే సంపూ సినిమాలను ప్రేక్షకులు బాగానే ఆదరిస్తారు. మొదటి సినిమా ‘హృదయ కాలేయం’ తరువాత ‘సింగం 123’, కొబ్బరిమట్ట సినిమాలు విడుదల చేసిన సంపూ.. ఆతరువాత పలు సినిమాల్లో కమెడియన్, అతిథి పాత్రల్లో కూడా కనిపించాడు.

ఇక ఇప్పుడు మరోసారి వసంత నాగేశ్వరరావు దర్శకత్వంలో సంపూ ’బజార్ రౌడి’ అనే సినిమాతో వస్తున్నాడు. ఈసినిమా కూడా రిలీజ్ కు సిద్దంగా ఉంది. ఇప్పటికే ఈసినిమా నుండి టీజర్ రిలీజ్ కాగా దానికి మంచి రెస్పాన్సే వచ్చింది. ఇక ఈనెల 20న ఈసినిమా రిలీజ్ కానున్న నేపథ్యంలో ప్రమోషన్ కార్యక్రమాల్లో జోరు పెంచారు చిత్రయూనిట్. దీనిలో భాగంగానే నేడు ఈసినిమా ట్రైలర్ ను రిలీజ్ చేశారు. ఇక ట్రైలర్ కూడా ఆద్యంతం కామెడీతో ఆకట్టుకుంటుంది.

కాగా ఈ సినిమాలో ఇతర ముఖ్యపాత్రల్లో షాయాజీ షిండే, నాగినీడు, 30 ఇయర్స్ పృథ్వీ, కత్తి మహేష్ నటించారు. కెఎస్ క్రియేషన్స్ పతాకంపై బోడెంపూడి కిరణ్ కుమార్ సమర్పణలో సందిరెడ్డి శ్రీనివాసరావు నిర్మించారు.

[subscribe]