మొత్తానికి ప్రభాస్ మంచి జోరు మీద ఉన్నాడుగా. బ్యాక్ టు బ్యాక్ సినిమాలను లైన్ లో పెడుతున్నాడు. అది కూడా చిన్నా చితకా సినిమాలు కాదు పాన్ ఇండియా లెవల్ సినిమాలే. దర్శక నిర్మాతలు కూడా ప్రభాస్ తో ఆ రేంజ్ సినిమాలు తీయడానికే ఇష్టపడుతున్నారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ప్రస్తుతం ప్రభాస్ ‘రాధేశ్యామ్‌’ సినిమా చేస్తున్నాడు. ఈ సినిమా షూటింగ్ కూడా పూర్తి కావచ్చింది. ఇక ఇది సెట్స్‌లో ఉండగానే ‘మహానటి’ ఫేమ్‌ నాగ్‌ అశ్విన్‌ దర్శకత్వంలో ఓ సినిమాకి, ఓం రౌత్ దర్శకత్వంలో ‘ఆదిపురుష్‌’ సినిమాకి గ్రీన్‌ సిగ్నల్‌ ఇచ్చారు. ఇదిలా ఉండగా తాజాగా మరో సినిమాను ప్రకటించాడు ప్రభాస్. ‘కేజీఎఫ్‌’ ఫేమ్‌ ప్రశాంత్ నీల్ దర్శకత్వంలో సినిమా చేయనున్నాడు. ఈ చిత్రానికి ‘సలార్‌’ టైటిల్‌ని అధికారికంగా ప్రకటించి, ఫస్ట్‌ లుక్‌ను విడుదల చేశారు. హోంబలే ఫిలిమ్స్‌ పతాకంపై బ్లాక్‌ బస్టర్‌ మూవీ ‘కేజీఎఫ్‌’ నిర్మించిన విజయ్ కిరగందూర్ ఈ చిత్రాన్ని నిర్మించనున్నారు.
ఇక ఈ సందర్భంగా ఈ సినిమా గురించి నిర్మాత మాట్లాడుతూ.. ‘‘మా బ్యానర్‌లో ‘కేజీఎఫ్‌’, ‘కేజీఎఫ్‌ 2’ చిత్రాల తర్వాత నిర్మించనున్న మూడో ప్యాన్‌ ఇండియా చిత్రమిది. భారతదేశంలోని అన్ని భాషల్లో ఈ చిత్రాన్ని నిర్మిస్తాం. వచ్చే ఏడాది జనవరిలో సినిమా రెగ్యులర్‌ షూటింగ్‌ను ప్రారంభిస్తాం. ప్రస్తుతం ప్రభాస్ చేస్తున్న ‘రాధేశ్యామ్‌’ తర్వాత ఈ సినిమాను విడుదల చేస్తాం’’ అన్నారు.
ఇక ప్రశాంత్ నీల్ ఈ సినిమా గురించి చెపుతూ.. మరోసారి విజయ్ కిరగందూర్ తో కలిసి పని చేయడం చాలా సంతోషంగా ఉందని.. అందులోనూ ప్రభాస్ హీరోగా నటించడం గొప్ప విషయం.. ఈ సినిమా గురించి ఎప్పటినుండో చర్చలు జరుగుతున్నాయి.. ఇప్పుడు ఫైనల్ గా కన్ఫామ్ అయింది.. ఇక ఈ సినిమాలో ఇంతకుముందు ఎన్నడూ చూడని ప్రభాస్ ను చూస్తారు.. తప్పకుండా సినిమా లవర్స్ ఈ సినిమాను ఇష్టపడుతారు అని చెప్పాడు.
ప్రశాంత్ నీల్ దర్శకత్వంలో కన్నడ రాకింగ్ స్టార్ యశ్ కథానాయకుడిగా వచ్చిన `కె.జి.ఎఫ్- చాప్టర్ 1` సినిమా ఎంతటి ఘన విజయం సాధించిందో ప్రత్యేకంగా చెప్పనక్కర్లేదు. కన్నడలోనే కాదు దేశవ్యాప్తంగా ఈ సినిమా సూపర్ క్రేజ్ ను సొంతం చేసుకుంది. ఇప్పుడు ఈ సినిమా సీక్వెల్ కె.జి.ఎఫ్- చాప్టర్ 2 కూడా వస్తుంది. ప్రస్తుతం సినిమా షూటింగ్ జరుపుకుంటుంది. కాగా ఈ సినిమాలో శ్రీనిధి శెట్టి హీరోయిన్ గా నటిస్తుంది. హోంబలే ఫిలింస్, ఎక్సెల్ మూవీస్, వారాహి చలన చిత్రం బ్యానర్స్ పై ఈ సినిమాను నిర్మిస్తున్నారు. మరి చూద్దాం ఇది ఎంత వరకూ వర్క్ అవుట్ అవుతుందో.మరి చాప్టర్ 1 సూపర్ హిట్ అవడంతో కె.జి.ఎఫ్ చాప్టర్ 2 మీద భారీ అంచనాలు ఏర్పడ్డాయి. ఈ సినిమా ఎన్ని సంచలనాలు క్రియేట్ చేస్తుందో చుద్దాం.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
