నాగచైతన్యతో `మనం` దర్శకుడి ప్రేమకథా చిత్రం?
Naga Chaitanya Join Hands With Vikram Kumar After Manam

`మనం`(2014)... యువ సామ్రాట్ నాగచైతన్య కెరీర్ లో మెమరబుల్ ఫిల్మ్. తన తాతయ్య అక్కినేని నాగేశ్వరరావు, తండ్రి నాగార్జున, శ్రీమతి సమంతతో చైతూ స్క్రీన్ షేర్ చేసుకున్న చిత్రమది. అలాంటి `మనం`ని రూపొందించిన ఘనత దర్శకుడు విక్రమ్ కె. కుమార్ ది. కాగా, తనకి `మనం` రూపంలో మెమరబుల్ ఫిల్మ్ ని అందించిన విక్రమ్ తో మరోసారి జట్టుకట్టబోతున్నాడట చైతూ.
అంతేకాదు.. `నా ఆటోగ్రాఫ్`, `ప్రేమమ్` తరహాలో మూడు వేర్వేరు దశల్లో సాగే ఓ యువకుడి ప్రేమకథల సమ్మేళనంగా ఈ సినిమా ఉంటుందట. అలాగే అనుభూతుల మయంగా సాగే ఈ చిత్రంలో చైతూ పాత్రని చక్కగా డిజైన్ చేశాడట విక్రమ్ కె. కుమార్. మరి.. `మనం` వంటి క్లాసిక్ తరువాత చైతూ, విక్రమ్ కాంబోలో రాబోతున్న ఈ సినిమా కూడా అదే తీరున మురిపిస్తుందేమో చూడాలి.







