
మైత్రీ మూవీ మేకర్స్, సుకుమార్ రైటింగ్స్ బ్యానర్స్ పై సుకుమార్ శిష్యుడు బుచ్చిబాబు సానా దర్శకత్వంలో హీరో సాయి తేజ్ సోదరుడు వైష్ణవ్ తేజ్ హీరోగా "ఉప్పెన" మూవీరూపొందింది. వైష్ణవ్ తేజ్ హీరోగా టాలీవుడ్ కు పరిచయం అవుతున్న ఈ మూవీ లో కృతి శెట్టి కథానాయిక. తమిళ హీరో విజయ్ సేతుపతి ప్రతినాయకుడిగా నటించడం విశేషం.
"ఉప్పెన" మూవీకి దేవిశ్రీ ప్రసాద్ సంగీతం అందించారు. ఏప్రిల్ 2వ తేదీ విడుదల కావాల్సిన ఈ మూవీ కరోనా వైరస్ కారణంగా థియేటర్స్ బంద్ కావడంతో విడుదల వాయిదా పడింది. చిత్ర యూనిట్ రిలీజ్ చేసిన పోస్టర్స్, సాంగ్స్ ప్రేక్షకులను ఆకట్టుకుని మూవీ పై ఆసక్తిని కలిగించాయి. "ఉప్పెన" మూవీ మే 7వ తేదీ రిలీజ్ కానుంది.






