`భీష్మ`తోనూ రష్మిక కొనసాగిస్తుందా?
Rashmika Mandanna To Continue Her Lucky Sentiment For Bheeshma As Well
సంక్రాంతికి `సరిలేరు నీకెవ్వరు` అంటూ సందడి చేసిన కన్నడ కస్తూరి రష్మికా మందన్న.. మహాశివరాత్రికి `భీష్మ`తో పలకరించనుంది. ఆసక్తికరమైన విషయమేమిటంటే... ఈ రెండు సినిమాలకూ తనే డబ్బింగ్ చెప్పుకుంది రష్మిక. `సరిలేరు నీకెవ్వరు`లో తన పాత్రకి తానే డబ్బింగ్ చెప్పుకోవడం రష్మికకి కలసి వచ్చిన నేపథ్యంలో... `భీష్మ`కి కూడా అది కొనసాగుతుందేమో చూడాలి. రేపు (ఫిబ్రవరి 21) ఈ రొమాంటిక్ ఎంటర్ టైనర్ ప్రేక్షకుల ముందుకు రానుంది.
ఇదిలా ఉంటే... ప్రస్తుతం స్టైలిష్ స్టార్ అల్లు అర్జున్, బ్రిలియంట్ డైరెక్టర్ సుకుమార్ కాంబినేషన్ లో రూపొందుతున్న పేరు నిర్ణయించని చిత్రంలో నాయికగా నటిస్తోంది రష్మిక. ఇందులో ఇదివరకు కనిపించని విభిన్న పాత్రలో దర్శనమివ్వనుంది ఈ టాలెంటెడ్ బ్యూటీ.









